Genesi 3:12 - Bhibhiliya Nya Guage

¹² Mwama a di hakha, khuye: “Nyamayi u nga nyi ningago gu khala mubangaladzi wangu, khuye a nga nyi ninga handro nya simbo yoyo, eni nyi wu hodza.”

Genesi 3:12 Iomraidhean Croise

Genesi 2:18

Pfhumu Nungungulu a di engedza gambe, khuye: “Khandri gwadi mwama gu khala ekha. Nyi na mu girela mubangaladzi nya idzosaye ni uye.”

Genesi 2:20

Muthu a di riya malina nya sifuyo satshavbo sa ndrangani, sinyoni sa damboni ni sirengo nya likhabi, aholu kha nga mana muphasedzeli nya gu mu yele.

Genesi 2:22

Khu limbambo a nga dusago khu ga mwama, Pfhumu Nungungulu a di gira nyamayi a gu mu bikela ga mwama.

Genesi 3:11

Nungungulu a di mu wudzisa, khuye: “Khu mani a nga gu tivisa gukhuye u wumbwiri? Ina khandri u di hodza handro nya simbo nyi nga gu himbedzela gu wu hodza, gani?”

Joba 31:33

Nya gu bani nyi fananide ni vambe vathu nyi fenengedza sighoho sangu kha nga Adhamu, nyi siha milandru yangu monyoni gwangu;

Mavingu 19:3

Wupumbu nya muthu wu ngu ghoha guvbanya gwaye, monyo waye wa gu wugela Pfhumu Nungungulu.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

Varoma 10:3

Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

1 Samuweli 15:15

Sawule a di mu hakha, khuye: “Hi diya phanga Vaamaleki, kholu vathu va di tsetsa iso nya sadi nya dzinvuta ni dzimombe, gasi gu gira khiso miphaso ga Pfhumu Nungungulu wago; gasi esi simbe ethu hi di si mbembisela muphelo.”