Genesi 29:2 - Bhibhiliya Nya Guage

² A di khusa maho a wona nambo. Vbafuvbi ni nambo wowo gu di mbambamede mitshambi miraru nya dzinvuta, kholu namboni momo gu di sedzwa umo mati mitshambi; gu diri ni giwindri nya gikhongolo gi nga bani gi sega likana nya nambo.

Genesi 29:2 Iomraidhean Croise

Genesi 24:10

Githumi gi di dongisela likhumi dzingameriya dza mune waye, gi gu phara ndzila gi hongola, na gi pharisidwe miningelo nya yingi nya lisima khu mune waye. Gi di dzega ndzila nya guhongole Mesopotamiya, gi hongola dhoropani ga Nahori.

Genesi 24:11

A di khidzimisa dzingameriya gasi gu dzi hefemudza vbavbandze nya lidhoropa, vbafuvbi ni nambo. A diri silambo, guhwani nya lidambo, gikhati vanyamahegyane va dugago va ya rega mati.

Genesi 24:13

Wona gukhuwe nyi emide vbafuvbi nya nambo yoyu dzimbiri dza dhoropani momu dzi tago guta rega mati.

Genesi 29:3

Giwindri gi di redwa basi gikhati yi tshanganago mitshambi yatshavbo ni vahavisi vawe gasi va kodza guya sedza mati dzinvuta va bwelo khavbo va sega gambe likana nya nambo.

Dzindzimo 23:2

A ngu nyi hefemudza panini, nya mwasi nya gunyuge a nyi yisa matini nya gutenge;

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 4:6

Avbo wu nga bani wu romo nambo wa Jakobe. Na garade khu ndzila, Jesu a di khala bambe nya nambo. Gu diri mihani gikhati nya midiya.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”

Valamuli 5:11

Iyo gu pwalago ligwaha nya sighalala, malangani gu regwago mati, pwadzani mithumo nya gululame ya Pfhumu Nungungulu, mithumo nya gululame a giredego ga avo va vbanyago mitalalani ya tigoni ga Israyeli. Khavbo avbo, vathu va Pfhumu Nungungulu va di vboha kala dzinyangwani nya lidhoropa.