Genesi 28:2 - Bhibhiliya Nya Guage

² Khuga u hongole tigoni ga Padhani-Arani, ndrangani ga Bhetuweli, babe wa mayi wago, u naya dzega mwangadzi ga sanana sa Laboni, ndruye wa mayi wago.

Genesi 28:2 Iomraidhean Croise

Genesi 24:10

Githumi gi di dongisela likhumi dzingameriya dza mune waye, gi gu phara ndzila gi hongola, na gi pharisidwe miningelo nya yingi nya lisima khu mune waye. Gi di dzega ndzila nya guhongole Mesopotamiya, gi hongola dhoropani ga Nahori.

Genesi 24:29

Rebheka a diri ni ndriyaye nya mwama nya gupwani khu Laboni, a di tutuma a relela namboni aya hakha mwama yoyo.

Genesi 24:4

Aholu, u na hongola tigoni gwathu, ga valongo vangu, u na ya hatha iyo mwangadzi wa gyanana gyangu Isaki.”

Genesi 24:50

Khavbo avbo, Laboni ni Bhetuweli va di hakha, khavo: “Satshavbo sesi sa guta khiyo ga Pfhumu Nungungulu, ethu hi mwalo gilo nya gu gu embele nya gyadi mwendro nya guvivbe.

Genesi 25:20

Isaki a diri ni tanga nya magumana myaga gikhati a nga dzegago Rebheka, nyamahegyane wa Bhetuweli, Muharami wa Padhani-Arami, ndruye wa Laboni, Muharami.

Genesi 28:5

Isaki a di vbangana Jakobe, uye a phara ndzila aya tigoni Padhani-Arani, ndrangani ga Laboni, mwamana wa Bhetuweli, Muarami, ndruye wa Rebheka, mayi wa Esawu ni Jakobe.

Genesi 29:1

Jakobe a di simama ni liendro laye kala a vboha tigoni ga vathu va Khugadambo.

Genesi 31:18

a di dzega tshambi waye watshavbo ni dzithomba dzatshavbo a nga girago, tshambi wu mu lumbago a nga wu manago tigoni ga Padhani-Arani, a phara ndzila a bwelela ga babe waye Isaki, tigoni ga Khanani.

Genesi 32:10

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Genesi 33:18

Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile.

Genesi 35:9

Nungungulu a di dzi wonegisa gambe ga Jakobe, hwane nya gu na wide khu Padhani-Arani, a gu mu kategisa.

Genesi 46:15

Esi khu sanana sa Liya a velegedego Jakobe tigoni ga Padhani-Arani, gu diga Dhina, gyanana gyaye nya nyamahegyane. Tengo watshavbo nya sanana saye nya vama ni vanyamayi wu di tshanganisa magumararu na vararu vathu.

Hoseya 12:12

Jakobe thavede khabini ga Siriya, Israyeli a diya dzi gira githumi nya guhavise dzinvuta, afela gu mana nyamayi.

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.