Genesi 28:16 - Bhibhiliya Nya Guage

¹⁶ Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 28:16 Iomraidhean Croise

1 Dzipfhumu 3:15

Solomoni a di khendzuga khu ligovbeni; a wona nya gukhuye ndroro. Avbo a nga bwelelago Jerusalema, a diya ema mbeli nya Ngasa nya Gidzumeledzwano gya Pfhumu Nungungulu, a gira miphaselo nya guvbiswe, a dongisela gambe miphaso nya gurule, a gira buzo nya khongolo ga sithumi saye satshavbo.

Joba 33:14

Aholu, Nungungulu a gu ganela nyondro mbili, gambe mwalo a thelago kota khuye.

Joba 9:11

A guvbindra khu vbafuvbi gwangu, nyi si mu woni. A ndreya khu vbafuvbi gwangu, nyi si mupwi.

Dzindzimo 139:7

Nyi naya hayi gasi gu khala hwindzo ni liphuvbo lago? Nyi na thavela hayi gasi nyi manega hwindzo ni khovbe yago?

Dzindzimo 68:35

Uwe Nungungulu u ngu samadzisa nu khade nyumbani gwago nya guage; Nungungulu wa Israyeli, a ngu ninga tshivba ni wufumu vathu vaye. A na rungudzwe Nungungulu!

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 3:4

Avbo Pfhumu Nungungulu a nga wona gukhuye Mosi a ngu hidzimela gasi guta wona gwadi, a di mu rana khu vbakari nya gipopo, khuye: “Mosi! Mosi!” Uye a di hakha, khuye: “Nyi womo avba.”

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Isaya 8:13

Pfhumu Nungungulu nya Tshivba Yatshavbo, khuye basi mu yelago gu mu rana gukhenu agide; khuye basi mu yelago gu mu khidzimela ni gu mu ninga githawo.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

Josuwa 5:15

Muthangeli nya nyimbi ya Pfhumu Nungungulu a di hakha, khuye: “Tshula silato migondroni gwago, kholu wulanga u guromo wu agide.” Josuwa a di gira kharato.