Genesi 27:2 - Bhibhiliya Nya Guage

² Isaki a di khuye: “Kha nga u wonago, eni nyi gumbide, kha nyi liti litshigu nya gufe gwangu.

Genesi 27:2 Iomraidhean Croise

Genesi 27:3

Nyi ngu gu lomba u dzega matshari yago, gikhweso ni wulaho wago, u bela khabini u sota. Egi u na songago,

Genesi 47:29

Na ma gu hidzimela matshigu nya gufe ga Jakobe, a di ranisa mwanaye Josefa a mu embela, khuye: “Nya gu bani nyi manide wuhigo mbeli gwago, nyi ngu gu lomba u vege mandza yago vbanyongatunu gwangu u nyi girela wuwadi ni gu tumbega, nyi ngu gu lomba u nga nyi dzingi tigoni ga Egipito.

Genesi 48:21

Khu hwane Israyeli a di embela Josefa, khuye: “Olu nyi ngufa, aholu Nungungulu a na bani ari nanu, Uye a na mi bweledzani tigoni ga vababe vanu.

Mavingu 27:1

U nga dzi zundzi khu litshigu la mindru, kholu litshigu la muhuno khu siti iso si na gu dugelela.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Isaya 38:1

Khu matshigu yale, a di dwala Ezekhiya khu madwali nya guhadze gufa; muprofeti Isaya, mwamana wa Amosi, a di ya mu wusela a mu embela, khuye: “Pfhumu Nungungulu a ngu ganela kharati, khuye: Lulamisela gwadi mahungu nya nyumba yago, kholu u nafa khu na vbanya gambe.”

Isaya 38:3

a ganela, khuye: “Dundruga Pfhumu Nungungulu, idzo nyi vbanyidego khidzo khu gutumbega ni monyo wu agidego, ni gu thuma mithumo nya gululame mbeli gwago.” Ezekhiya a di lila khu wuvi waye watshavbo.

Marko 13:35

Khu kharalo, khalani na mu dongide kholu kha mu giti gikhati a wuyago khigyo mune ndranga, gani silambo, gani vbakari nya wutshigu, gani vbakari nya mihani, gani mambagugya, gani dzimindrudzile;

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”