Genesi 27:13 - Bhibhiliya Nya Guage

¹³ Mayi waye a di phindrula, khuye: “Givalo gyogyo gi na thegela eni, mwanangu. Upwa esi nyi gu embelago; indra u ya dzega esi nyi gu embedego.”

Genesi 27:13 Iomraidhean Croise

Genesi 25:23

Uye a di mu hakha, khuye: “Ndrani gwago momo mayigo mavili: Mahundzu mavili nya vathu ma na dugago khu ndrani gwago. Lihundzu limwedo li na pala limbe, koma a na thumela nandra.”

Genesi 25:33

Jakobe a di mu embela, khuye: “Sambanya kamwe olu.” Uye a di sambanya, a gu rengisa kharati wukoma waye ga Jakobe.

Genesi 27:14

Jakobe a di hongola aya mola siphongwana a gu wuya naso ga mayi waye. Uye a di ta phula gwadi a tshambisela kha nga idzo a nga bani a gu gola khidzo babe waye.

Genesi 27:43

Nyipwe mwanangu, vbiredza u thavela ga ndriyangu Laboni, tigoni ga Harani.

Genesi 27:8

Olu, upwa gwadi mwanangu, esi nyi gu embelago.

Genesi 43:9

Eni kheni nyi na khalago mukhedziseli waye. U na mu hengula avbo gwangu; nya gumba wuya naye nyi ta gu bikela nyi na dzipwa na nyi gu ghohede kala gupindruga.

2 Samuweli 14:9

Nyamayi wa Tekowa a di embela mufumeli, khuye: “Nandru watshavbo, uwe mufumeli wangu wu na thegele vbatshani gwangu ni nyumbani ga babe wangu; aholu, uwe mufumeli ni gikhalo gyago nya wufumu, mu nga mani nandru yoyu.”

2 Dzikoronika 22:3

Mayi waye a di ranwa gupwani Ataliya, a diri gyanana gya Oniri. Uye nuye gimbide khu dzindzila dza babe waye Akabi; kholu mayi waye khuye a nga bani a mu ninga wusingalagadzi, a mu kutsedzela gu gira mithumo nya guvivbe.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

1 Samuweli 25:24

A di thega migondroni gwaye a ganela, khuye: “Oh! Mune wangu, nandru yoyu wu na thegele eni; dzumela gukhuwe githumi gyago gi ganela nago, upwa magana ya githumi gyago.