Genesi 26:34 - Bhibhiliya Nya Guage

³⁴ Na tshanganiside magumana myaga nya guvelegwe gwaye, Esawu a di dzega vanyamayi: Judhite, nyamahegyane wa Bheheri Muhiti ni Bhasemati, nyamahegyane wa Eloni, Muhiti.

Genesi 26:34 Iomraidhean Croise

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 27:46

Rebheka a di embela Isaki, khuye: “Nyi ngu garadzega ngudzu guvbanyani gwangu khu kotani ya vanyamahegyane nya Vahiti; Jakobe nuye a gu dzegana ni nyamayi nya Muhiti kha nga avo, i tshukwana nyifa basi.”

Genesi 28:8

A di wona gambe gukhuye babe waye Isaki, kha tsakiswi khu vanyamahegyane nya Vakhanani,

Genesi 28:9

Esawu a di khuga aya ga Ismayeli, mwamana wa Abrahama, aya dzega mumbe nyamayi gu diga ava a nga bani ari navo. A diya dzegana ni Mahalati, nyamahegyane wa Ismayeli, ndruye wa Nebhayoti.

Genesi 36:13

Sanana sa Reweli, khesi: Nahati, Zera, Sama ni Miza. Esi khiso situgulwana sa Bhasemati, ngadza Esawu.

Genesi 36:2

Esawu a di dzega vagadzi vavili vbakari nya vanyamahegyane va tigoni gwa Khanani: Adhani, nyamahegyane wa Eloni, Muhiti, ni Owolibama, nyamahegyane wa Ana, gyanana gya Kibeyoni, Muhevhi;

Genesi 36:5

Owolibama a di velega Jewusi, Jalamo ni Kora. Esi khu sanana sa Esawu si velegidwego tigoni gwa Khanani.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

1 Vakorinto 7:2

Aholu khu kota nya wubhayi, mwama ni mwama a na khale ni mwangadzi waye, nyamayi ni nyamayi nuye ni mwama waye.

Vahebheru 12:16

Dzi woneleni, gasi ni moyo nya enu a si khali muthu nya gudange nayo ni gumbana githawo ga silo si agidego, kha nga Esawu a nga rengisa wukoma waye khu gufela mbiya nya guhodze.

1 Samuweli 26:6

Dhavhidhe a di embela Ayimeleki, nya Muhiti, ni Abhisayi, mwamana wa Zeruwa, ndruye wa Jowabhi, khuye: “Khu mani a dzinago gu relela ni eni ga Sawule, lizumboni?” Abhisayi a di hakha, khuye: “Eni nyi na relela nago.”