Genesi 26:32 - Bhibhiliya Nya Guage

³² Litshigu lolo furi, sithumi sa Isaki si di ya mu embela makungo nya yadi nya gutshambe nya nambo va nga bani va gu pola, va di mu embela, khavo: “Hi mane mati!”

Genesi 26:32 Iomraidhean Croise

Genesi 26:25

Isaki a di vbaha giluvelo wulanga wule, a rana lina la Pfhumu Nungungulu; khu hwane a di vbaha tshatsha waye wulanga wule, sithumi saye si di pola nambo vbale.

Genesi 26:31

Khu mindru gakone, vbadzimindrutunu, va vavili va di patana khu gisambanyo; khavbo avbo, Isaki a di va vbangana, avo va di khuga va hongola khu gurula.

Genesi 26:33

A di rana nambo yoyo khu lina nya gupwani Sebha. Khu guralo kala na muhuno olu, lidhoropa lakone la gu ranwa pwani Bherisebha.

Mavingu 10:4

Uye a gu ni mandza nya wugara a na khala gisiwana, aholu mandza ya wule a thumago, ma gu mu resela gufuma.

Mavingu 13:4

Ngara a gufa khu gunavela, aholu kha mani gilo; gasi, misuwo ya vale va dzi garadzago khu guthuma, va na mana iso va si dilelago.

Matewu 7:7

“Lombani, mu na ningwa; vbwetani, mu na si mana; khokhothani, mu na tuledwa.