Genesi 26:31 - Bhibhiliya Nya Guage

³¹ Khu mindru gakone, vbadzimindrutunu, va vavili va di patana khu gisambanyo; khavbo avbo, Isaki a di va vbangana, avo va di khuga va hongola khu gurula.

Genesi 26:31 Iomraidhean Croise

Genesi 14:22

Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

Genesi 19:2

A di ganela, khuye: “Nyi ngu mi lombani dzipfhumu dzangu! Belani nyumbani ga githumi gyanu, nyi na mu handza mawundru gasi mu hefemule wutshigu wowu; mindru mu na vindrugela gu bela ndzilani gwanu.” Aholu avo va di hakha, khavo: “Ahihi. Ethu ha gu vbweta gu khala vbavbandze.”

Genesi 21:14

Abrahama a di wuga ni dzimindru ngudzu a dzega gibaba ni kanvu nya mati a ninga Agari; a di mu velegisa gyanana hwamboni a mu vbangana a hongola. Agari a di duga a legalega giwulani gya Bherisebha.

Genesi 21:23

Olu nyi sambanyele avba khu Nungungulu gukhuwe gima khu na nga nyi pfhadza eni, sanana sangu, ambari ni valongo vangu, ni gukhuwe u na gola litigo leli u dzudego umo kha nga muwuyi, kha nga idzo eni nyi gu hakhidego nyi gu gola khidzo.”

Genesi 21:27

Abrahama a di dzega dzinvuta ni dzimombe a ninga Abhimeleki, va vavili va di gira gidzumeledzwano.

Genesi 22:3

Khavbo avbo, Abrahama a di wuga ni dzimindru ngudzu, a ambagisa sighwabhata giburwana, a dzega sithumi saye sivili, ni mwanaye Isaki, a di koka dzikhuni nya miphaso, a bela ndzilani nya guhongole wulanga a nga leletedwago khu Nungungulu.

Genesi 25:33

Jakobe a di mu embela, khuye: “Sambanya kamwe olu.” Uye a di sambanya, a gu rengisa kharati wukoma waye ga Jakobe.

Genesi 26:32

Litshigu lolo furi, sithumi sa Isaki si di ya mu embela makungo nya yadi nya gutshambe nya nambo va nga bani va gu pola, va di mu embela, khavo: “Hi mane mati!”

Genesi 31:44

Hongole hi gire pwanano nya gidzumeledzwano vbakari gwathu, gasi gi khale wufakazi ga eni nago.”

Genesi 31:55

Avbo Laboni a nga wuga na gu ngari dzimindru ngudzu, a di vbangana situgulwana saye nya sikhwathana ni sanana saye nya sagadzyana, a si kategisa: A Khuga a bwelela gaya gwaye.

Vahebheru 6:16

Muthu a gu sambanya, a gu sambanya khu lina la moyo a gu khongolo guvbindra uye. Gusambanya ga gu vbedza guganedzisana gwatshavbo.

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”