Genesi 26:3 - Bhibhiliya Nya Guage

³ Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Genesi 26:3 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 13:17

Olu dzuwulugela u wona litigo leli khu maphuvbo yatshavbo, kholu nyi na gu ninga li khala lago.”

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 20:1

Abrahama a di khuga vbale a gu hongola tigoni gwa Negebhi, aya vbaha wulanga nya gu eno a wona lidhoropa la Kadesi, eno na ga wona lidhoropa la Suri. A di ya vbanya tigoni gwa Gerari.

Genesi 25:11

Hwane nya gu bani na fude Abrahama, Nungungulu a di kategisa mwanaye Isaki, a nga bani na gu vbanya vbafuvbi ni nambo wa Lahayi-Royi.

Genesi 26:12

Isaki a di yala marembwe yaye tigoni mule. Mwaga yoyo wa wumowo, a di fuma ngudzu guvbindra lizana dzinyondro, kholu Pfhumu Nungungulu a di mu kategisa.

Genesi 26:14

A di fuma mitshambi nya dzinvuta ni dzimombe ni sithumi nya gutale ngudzu. Vafilisitiya va di girela lidiwo Isaki.

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:15

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Genesi 31:3

Pfhumu Nungungulu a di embela Jakobe, khuye: “Bwelela tigoni ga vavelegi vago ni valongo vago; Eni nyi na bani nyiri nago.”

Genesi 35:12

Nyi na gu ninga litigo nyi ningidego Abrahama ni Isaki; nyi na ninga gambe sanana sago, hwane gwago.”

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:21

Aholu Pfhumu Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

Genesi 48:21

Khu hwane Israyeli a di embela Josefa, khuye: “Olu nyi ngufa, aholu Nungungulu a na bani ari nanu, Uye a na mi bweledzani tigoni ga vababe vanu.

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

1 Dzikoronika 16:16

ni gidzumeledzwano a giridego ni Abrahama ni gisambanyo a giridego ni Isaki;

Dzindzimo 105:8

Uye a na alakanya pwanano waye kala gupindruga, a tadzisa situmbiso saye ga mazanazana nya situgulwana.

Dzindzimo 105:9

A na tadzisa pwanano a hungidego ni Abrahama, ni gitumbiso a sambanyidego ga Isaki.

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Dzindzimo 39:12

Pfhumu Nungungulu, yingisa nombelo wangu, nya gu womba huwa nyi lomba guphaswa, nyi yingise; U nga khali givbwiri nya mbapwa gudilela gwangu. Kholu eni nyi muwuyi avbo gwago, nyi mupepetegi kha nga vakokwe vangu.

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Ekisodha 6:8

“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Vafilipi 4:9

Guvbanyani gwanu thumisani esi mu hevbudego gwangu, esi mu nyi pwidego na nyi gu ganela ni esi mu nyi wonego na nyi gu gira, kharati, gurula ga Nungungulu gu na khala ni enu.

Vahebheru 11:9

Khu gukhodwa a diya khala nga muwuyi ga litigo lile a nga tumbiswago khu Nungungulu. A di vbanya mitshatshani gumogo ni Isaki ni Jakobe, va nga hakhago gitumbiso gya gimwegyo.

Vahebheru 6:17

Nungungulu a di vbweta gu tiyisa gukhuye gikungo gyaye gima kha gi na vbindrugedza ga vale va nga fanela gu hakha gitumbiso gyaye, khu guralo, a di tiyisa gitumbiso khu gusambanya.