Genesi 26:25 - Bhibhiliya Nya Guage

²⁵ Isaki a di vbaha giluvelo wulanga wule, a rana lina la Pfhumu Nungungulu; khu hwane a di vbaha tshatsha waye wulanga wule, sithumi saye si di pola nambo vbale.

Genesi 26:25 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 13:4

wulanga wule a nga vbahago avbo giluvelo nya guphele. Khavbo vbale a nga gira miphaso a gu rana lina la Pfhumu Nungungulu.

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 26:32

Litshigu lolo furi, sithumi sa Isaki si di ya mu embela makungo nya yadi nya gutshambe nya nambo va nga bani va gu pola, va di mu embela, khavo: “Hi mane mati!”

Genesi 33:20

A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”

Genesi 35:1

Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”

Genesi 4:26

Seta nuye a di velega gyanana nya gikhwathana a nga gi riyago lina nya gupwani khu Enosi. Khu gikhati gyogyo, vathu va di phela gu khozela Pfhumu Nungungulu, va mu rana khu lina laye.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

Dzindzimo 116:17

Nyi na gu ninga miphaso nya gubonge, nyi na lombelela linani la uwe Pfhumu Nungungulu.

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”