Genesi 26:24 - Bhibhiliya Nya Guage

²⁴ Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 26:24 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 22:19

Khavbo avbo, Abrahama a di bwelela avbo si nga bani na siri avbo sithumi saye, va ya wuya vatshavbo gumogo Bherisebha, iyo a ngaya vbahago ndranga yaye.

Genesi 24:12

Githumi gi di ganela khu monyoni gwaye, khigyo: “Pfhumu Nungungulu wa Abrahama, mune wangu, Gira khuwe nyi mane muhuno egi nyi gi vbwetago, wonegisa wuwadi wago ga mune wangu Abrahama.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:15

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Genesi 28:3

Nungungulu nya Tshivba Yatshavbo a na gu kategise, a gu dandrisa ni gu gu andrisa gasi u khale talo nya mahundzu!

Genesi 30:27

Laboni a di khuye: “Nyi girele wuhindzi u khala! Kholu nyi ngu dziti gukheni Pfhumu Nungungulu a nyi kategiside khu kotani gwago.”

Genesi 31:5

A di va embela, khuye: “Nyi ngu wona khovbeni ga babe wanu gukheni khandridzo saye ni guhegulani, aholu, Nungungulu wa babe wangu a na ni eni.”

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:3

Mune waye a di wona nya gukhuye Pfhumu Nungungulu womo ga Josefa, gambe a ngu kategisa mithumo yatshavbo ya mandzani gwaye.

Genesi 46:1

Israyeli a di donga silo saye satshavbo a gu khuga a hongola, a vboha Bherisebha, aya paya avbo sirengo nya guphasele Nungungulu wa babe waye Isaki.

1 Dzipfhumu 17:13

Eliya a di mu embela, khuye: “U nga thavi gilo, indra gaya uya gira kha nga idzo u ganedego. Aholu khu esi u gu naso, phela khu gu nyi girela katinyana wudugwana u nyi resela eno; khu hwane u na gira wago ni wa mwanago.

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Gililo 3:57

Litshigu nyi gu ranidego U hidzimede vbafuvbi gwangu, u nyi embela, khuwe: “U nga thavi.” Resi

Levhi 26:42

eni neni nyi na dundruga gidzumeledzwano gyangu nyi giridego ni Jakobe, ni Isaki, ni Abrahama, nyi dundruga gambe ni litigo lawe.

Levhi 26:45

Khu kotani nya gu va haladze, nyi alakanyide gidzumeledzwano nyi giridego ni vababe vawe, ava nyi va dusidego khu tigoni ga Egipito, mbeli nya mayigo, gasi nyi khala Nungungulu wawe. Eni kheni Pfhumu Nungungulu.”

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Mithumo 7:32

‘Eni kheni Nungungulu wa vababe vago, Nungungulu wa Abrahama, Nungungulu wa Isaki, Nungungulu wa Jakobe!’ Mosi a di ndrendremela khu hwanga, a si tiyi ni gu khedza.

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

Dhewuteronome 31:6

Khalani vathu nya gutiye ni gutimisela, mu nga thavi ambari gu thuruga mbeli gwawe, kholu Pfhumu Nungungulu wanu, khuye a na gimbilago nanu; kha na mi diga ambari gu hambana nanu.”

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 13:6

Khu guralo, hi ngu tiya longo hi ganela, khethu: “Pfhumu khuye muphasedzeli wangu, eni kha nyi thavi gilo. A nga nyi gira ginani muthu?”

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Rute 3:11

Gasi olu mwanangu, u nga khali hwanga; satshavbo iso u ganedego nyi na gu girela, kholu vathu vatshavbo va dhoropani gwangu va ngu guti gukhavo u nyamayi nya guyele.