Genesi 26:14 - Bhibhiliya Nya Guage

¹⁴ A di fuma mitshambi nya dzinvuta ni dzimombe ni sithumi nya gutale ngudzu. Vafilisitiya va di girela lidiwo Isaki.

Genesi 26:14 Iomraidhean Croise

Genesi 12:16

Khu kotani yaye, Abrama a di pharwa gwadi ngudzu, a gu ningwa dzinvuta, dzimombe ni dziburu, sithumi nya vama ni vanyamayi, dziburu nya migadzi ni dzingameriya.

Genesi 13:2

Abrama a di fumide ngudzu mitshambi, parata ni ndralama.

Genesi 24:35

Pfhumu Nungungulu tadzide mune wangu khu wuhigo ni makategwa, a mu dandriside khu tshivba ni dzithomba. A mu ningide dzinvuta, dzimombe, parata ni ndralama, ni sithumi nya vama ni vanyamayi, dzingameriya ni dziburu.

Genesi 25:5

Khu guralo, Abrahama a di ninga Isaki dzithomba dzaye dzatshavbo.

Genesi 30:43

Khu guralo, mwama yoyu a di ghanya a khala gitetema, a manega nari ni mitshambi nya yingi, dzikhumbi nya vama ni vanyamayi, dzingameriya ni dziburu.

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Joba 1:3

A diri ni livbandre na mavili magumi mazana (7.000) nya dzinvuta, magumararu mazana (3.000) dzingameriya, livbandre mazana (500) mipatwa nya dzimombe, livbandre mazana (500) nya dziburu nya migadzi ni tengo nya wungi nya dzikhumbi. A diri muthu nya gufume ngudzu tigoni ga Khugadambo.

Joba 42:12

Khu guralo, Pfhumu Nungungulu, a di kategisa Joba a mu ninga thomba guvbindra iyo a nga bani nari nayo guhegulani; kholu a di manega nari ni likhumi na mana magumi mazana (14.000) dzinvuta, livbandre na limwedo magumi mazana (6.000) dzingameriya, likhumi mazana (1.000) mipatwa nya dzimombe ni likhumi mazana (1.000) dziburu.

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Dzindzimo 112:10

Muthu nya guvivbe a gu wona esi a napwa wuvi; a tala khu lidiwo ni guvbisega, a khukhurusa magwaha; aholu mapimo yaye ma na hegisa khu gu fuva.

Dzindzimo 112:3

Nyumbani gwaye gu na tala khu dzithomba ni gufuma gululama gwaye gu ngu simama kala gupindruga.

Mavingu 10:22

Gikategiso gya Pfhumu Nungungulu gya gu resa gufuma, gambe gu dzi garadza gwathu kha gu engedzeli gilo avbo.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

1 Samuweli 18:9

Gukhugela litshigu lile guya mbeli, Sawule kha nga wona Dhavhidhe khu maho nya yadi.