Genesi 24:48 - Bhibhiliya Nya Guage

⁴⁸ Nyi di khidzima mbeli ga Pfhumu Nungungulu; nyi bonga Pfhumu Nungungulu wa mune wangu Abrahama, a nga nyi gimbidzisa khu ndzila nya gudzegele gu nyi vbohisa wulanga nya gukodze gu mana gyanana gya ndruye wa mune wangu gasi gu khala mwangadzi wa gyanana gyaye.

Genesi 24:48 Iomraidhean Croise

Genesi 22:23

Bhetuweli khuye babe wa Rabheka. Khiso esi sanana nya livbandre na siraru a nga velega Milika ni Nahori, ndruye wa Abrahama.

Genesi 24:52

Avbo gi ngapwa magana yaya, githumi gya Abrahama gi di noga mbeli ga Pfhumu.

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Dzindzimo 107:7

A di va nonedza ndzila nya yadi nya gululame, gasi guya khiyo dhoropani nya guvbanyele umo.

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Dzindzimo 48:14

Oyu khu Nungungulu, khuye Nungungulu wathu kala gupindruga; khuye a na hi endredzago kala gufa.

Ekisodha 18:20

U na va hevbudza sileletelo ni milayo, u va nonedza ndzila va fanedego gu gimbila khiyo, ni mithumo va yelago gu yi thuma.

Mavingu 4:11

Nyi gu hevbudzide khu dzindzila nya guti, nyi gu gimbidzisa khu sindzilana nya gululame.

Isaya 48:17

A ngu ganela kharati Pfhumu Nungungulu, Mudzegisi wago, Nyaguage wa Israyeli, khuye: Eni kheni Pfhumu Nungungulu wago, a gu hevbudzago ugo nya gwadi gu gu phasago, oyu a gu thangelago ga ndzila u yelago gu gimbila khiyo.