Genesi 24:30 - Bhibhiliya Nya Guage

³⁰ Laboni a di wone phera ni maniya mandzani ga ndriyaye, gambe a di pwide Rebheka na gu ganela, khuye: “Mwama yoyo a nyi embede esi, a diya vbweta mwama aya mu mana ni dzingameriya vbafuvbi ni nambo.

Genesi 24:30 Iomraidhean Croise

Genesi 24:22

Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:29

Rebheka a diri ni ndriyaye nya mwama nya gupwani khu Laboni, a di tutuma a relela namboni aya hakha mwama yoyo.

Genesi 24:31

A di mu embela, khuye: Delu nya gukatege wa Pfhumu Nungungulu, khu ginani u khalago vbavbandze yoyo? Eni nyi dongisede nyumba ni wulanga nya dzingameriya.”

Isaya 3:19

dziphera dza dzindzeveni, wulungu ni sikhongelo;

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Ezekiyeli 23:42

Khavbo gwaye gu di pwala lito nya vathu nya vangi na va tsakide; gwaye gu di ta tombana vama nya gukari nya guleve na va guta khu giwulani, va ta ambagisa maniya mawogoni ga vanyamayi ni gu va ambagisa sihugu nya lisima hungoni.

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”