Genesi 24:3 - Bhibhiliya Nya Guage

³ Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 24:3 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Genesi 14:22

Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

Genesi 21:23

Olu nyi sambanyele avba khu Nungungulu gukhuwe gima khu na nga nyi pfhadza eni, sanana sangu, ambari ni valongo vangu, ni gukhuwe u na gola litigo leli u dzudego umo kha nga muwuyi, kha nga idzo eni nyi gu hakhidego nyi gu gola khidzo.”

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 27:46

Rebheka a di embela Isaki, khuye: “Nyi ngu garadzega ngudzu guvbanyani gwangu khu kotani ya vanyamahegyane nya Vahiti; Jakobe nuye a gu dzegana ni nyamayi nya Muhiti kha nga avo, i tshukwana nyifa basi.”

Genesi 28:1

Isaki a di rana Jakobe, a mu kategisa, a mu laya, khuye: “Gima u nga dzegi nyamayi vbakari ga vanyamahegyane nya Vakhanani.

Genesi 28:8

A di wona gambe gukhuye babe waye Isaki, kha tsakiswi khu vanyamahegyane nya Vakhanani,

Genesi 34:9

Hongoleni hi gire pwanano gasi sanana sathu si dzegana. Dzumedzisani vanyamahegyane vanu va dzegwe eno gwathu, gasi ethu nethu hi dzumedzisa vanyamahegyane vathu va dzegwe iyo gwanu.

Genesi 38:2

Judha nari ndrangani mule, a di wona nyamahegyane moyo nya Mukhanani, lina laye nya gupwani khu Suwa. A di mu dzega a khala mwangadzi waye, a gu tshangana naye.

Genesi 47:31

Khavbo avbo, Jakobe a di simamisa a ganela, khuye: “Sambanya nyi gupwa.” Josefa a di sambanya, Israyeli a di noga a khozela vbagikhuledzotunu nya lidawu laye.

Genesi 50:25

Josefe a di sambanyisa sanana sa Israyeli a si embela, khuye: “Khu lisine, Nungungulu avbo a na guta mi holela, mu na rwala khavba marambo yangu mu hongola navo.”

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Genesi 6:4

Matshigu yoyo, ni matshigu ma landrelago, tigoni gu di romo vathu nya sidandrangulu ni tshivba, gikhati sivangwa sa ndzadzini si nga tshanganago ni vanyamahegyane va mafuni, va gu velega sanana, sanana sesi nya sidandrangulu, khu dzingwazi dzi nga pwala ndruma gu matshigu ya gale.

2 Dzipfhumu 19:15

A di ya lombelela mbeli ga Pfhumu Nungungulu waye, khuye: “Pfhumu Nungungulu wa Israyeli, u khalago vbatshani nya dzikerubhimi, uwe kamwe, khuwe u gu Nungungulu nya mifumo yatshavbo ya mafuni, uwe u giride ndzadzini ni mafuni.

2 Dzikoronika 2:12

Hiramo a di engedza, khuye: A na bongwe Pfhumu Nungungulu wa Israyeli, a giridego ndzadzi ni mafu, a ningidego mufumeli Dhavhidhe, mwamana nya guti ni mapimo, a na vbahago Nyumba ya Pfhumu Nungungulu, gumogo ni nyumba yaye nya wufumu.

Ezira 5:11

Va di hi ninga phindrulo, khavo: Ethu hi sithumi sa Nungungulu wa ndzadzini ni mafuni, aholu ha gu vbahedza nyumba yi vbahidwego hwane nya myaga nya yingi, kholu yi vbahidwe ni gu tiyiswa khu mufumeli nya khongolo wa na Israyeli.

Nehemiya 13:25

Nyi di va vbenyela, nyi va vala, vambe nyi va veta ni gu va kulela ndzudzu nyi bwelo khavbo nyi va gurumedza gu sambanya khu lina la Nungungulu gukheni: “Mu nga lowodzisi sanana sanu nya sagadzyana ga madzaha yawe, ambari gu lowodzisa madzaha yanu dzimbiri dzawe, ambari gudzeganani navo enu.

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Dzindzimo 115:15

Pfhumu Nungungulu giridego ndzadzi ni mafu, a na mi kategise, enu mwatshavbo.

Dzindzimo 136:26

Dhumisani Nungungulu wa ndzadzini, kholu lihaladzo laye li ngu simama kala gupindruga.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 22:11

avbovbo gu na vbwetega va vavili va ya mbeli ga Pfhumu Nungungulu, va ya sambanya gasi gu tidwa pwani khaba gifuyo gya muthu kwawe; mune gifuyo a na dzumela gusambanya gogu, kha na mu livbisa gilo.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Isaya 45:23

Eni nyi sambanyide nyabune; khu kanani gwangu gu di duga esi nya gululame, ni magana yangu kha ma na bwelela hwane, mazolo yatshavbo ma na khidzima mbeli gwangu, ni malimi yatshavbo ma na sambanya khu eni.

Isaya 48:1

Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 29:6

Dzegani vanyamayi mu velega sanana nya sikhwathana ni sagadzyana, lowodzani vanyamayi sanana sanu nya sikhwathana, ni gu lowodzisani sanana sanu nya sagadzyana, gasi si velege sanana nya sikhwathana ni sagadzyana; velegelanani iyoyo mu nga vbungugi.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Mitengo 5:21

khavbo avbo muphasi nya mhamba a na engedza gu sambanyisa nyamayi khu gisambanyo nya givalo, a mu embela, khuye: Wa gu bani u handrugede mwama wago a nga gu lowola, ni gu bani u dzi nyenyeziside khu gulala ni mwama a gu sigu wago, Pfhumu Nungungulu a na gu gire givalo, a gu nyenyezisa vbakari ga vathu vago, u khala gyumba, u mana madwali nya gitamba.

1 Vakorinto 7:39

Nyamayi a dzegidwego hungidwe khu nayo na nga gu vbanya mwama waye. A gufa mwama waye, nyamayi tshulegide; a ngu dzi kodza gu dzegwa khu mwama a munago. Egi gi vbwetegago basi khu gu a dzegwe khu mwama nya mukhodwa, nayoni wa Pfhumu.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Vahebheru 6:16

Muthu a gu sambanya, a gu sambanya khu lina la moyo a gu khongolo guvbindra uye. Gusambanya ga gu vbedza guganedzisana gwatshavbo.

Josuwa 2:12

Gasi olu, nyi sambanyeleni khu lina la Pfhumu Nungungulu, kha nga olu nyi giridego wuhindzi avbo gwanu, enu nenu mu nyi girela kharato, mu vbanyisa ndranga ya babe wangu; nyi ningeni giwonegiso nya lisine

Valamuli 14:3

Aholu, vavelegi vaye va di mu wudzisa, khavo: “Ina wa gu hamuga nyamayi ga vanyamahegyane va va ndriyago, ni vbakari nya vathu vatshavbo va tigoni gwathu, nya gukala u vbweta guya dzega nyamayi nya mahedheni yaya nya Vafilisitiya, gani?” Samisoni a di embela babe waye, khuye: “Nyi dzegeleni nyamayi yoyu, kholu, uye tsakedwe khu monyo wangu.”

1 Samuweli 20:17

Jonatane a di gira Dhavhidhe a tiyisa gisambanyo gyaye nya wupari, kholu a diri pari yaye nya gutumbege.

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”