Genesi 24:26 - Bhibhiliya Nya Guage

²⁶ Khavbo avbo, mwama wule a di noga a khidzima a lombelela mbeli ga Pfhumu Nungungulu,

Genesi 24:26 Iomraidhean Croise

Genesi 22:5

A di embela sithumi saye, khuye: “Enu tshalani avba ni giburwana. Eni ni gyanana hi na vbindra hi hongola mbeli hi ya khozela. Hi na wuya nugunugu hi ta mu mana avba.”

Genesi 24:25

A di engedza gambe, khuye: “Gaya gwathu womo mwasi ni mahawo nya mangi ngudzu nya guhodzise sifuyo. Womo gambe wulanga nya gulale.”

Genesi 24:48

Nyi di khidzima mbeli ga Pfhumu Nungungulu; nyi bonga Pfhumu Nungungulu wa mune wangu Abrahama, a nga nyi gimbidzisa khu ndzila nya gudzegele gu nyi vbohisa wulanga nya gukodze gu mana gyanana gya ndruye wa mune wangu gasi gu khala mwangadzi wa gyanana gyaye.

Genesi 24:52

Avbo gi ngapwa magana yaya, githumi gya Abrahama gi di noga mbeli ga Pfhumu.

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 20:18

Khavbo avbo, Josafati, a di khidzima a thega khu khovbe mafuni; ni vatshavbo va na Judha ni vavbahi va Jerusalema, avo navo va di khidzima mbeli ga Pfhumu Nungungulu, va mu khozela.

2 Dzikoronika 29:30

Khavbo avbo, mufumeli Ezekhiya, a di embela vakhongolo, ni va na Levhi, gukhuye va na rungudze Pfhumu Nungungulu, khu magana ya Dhavhidhe ni ya Asafe, mutuguli nya siwoniso. Va di rungudza na va tsakide, va nogisa dzithamo va khozela.

Nehemiya 8:6

Ezira a di dhumisa Pfhumu Nungungulu, Nungungulu nya khongolo; vathu vatshavbo va hakha, khavo: “Amen! Amen!” Na va gu khusedza mandza; va di nogisa dzithamo va khozela Pfhumu Nungungulu, dzikhovbe dzawe na dzi tsitside vbavbatshi.

Dzindzimo 22:29

Vakhongolo vatshavbo va tigoni va na hodza va noga mbeli gwaye; ni vatshavbo vale va fudego va na noga mbeli gwaye, kala ni wule a gumba dzi kodza abune gu vbanyisa womi waye.

Dzindzimo 66:4

Vathu vatshavbo va tigoni va ngu gu khozela, va emba dzindzimo nya gurungudze lina lago.”

Dzindzimo 72:9

Va na noge mbeli gwaye vathu va khalago giwulani, valala vaye va na dzi these mafuni migondroni gwaye.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Ekisodha 12:27

Enu mu na va hakhani, khenu: Phaso nya Phasika nya gurungudze Pfhumu Nungungulu a nga vbindrago mbeli nya dzinyumba dza sanana sa Israyeli tigoni ga Egipito, litshigu a nga mbembisa Vagipiti a gu vbanyisa dzindranga dzathu.” Khavbo avbo, vathu va di noga va khozela.

Ekisodha 34:8

Mosi a di dzegela gu noga ngudzu kala vbavbatshi a gu khidzima a khozela;

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Mikeya 6:6

Ginani nyi yelago gu hongola nagyo ga Pfhumu Nungungulu, nyi ya noga mbeli ga Nungungulu a Khusegidego ngudzu? Nyi nata mu ninga miphaso nya guvbiswe, gimombyana nya mwaga moyo, gani?

Vafilipi 2:10

gasi, khu kotani nya wudhumo nya lina la Jesu, sivangwa satshavbo sa Ndzadzini, ni mafuni ni vbavbatshi nya mafu, si na khidzima si mu khozela;

Valamuli 7:15

Avbo Gidhiyoni a nga pwago ndroro yeyi ni tshamuselo waye, a di lombelela ga Nungungulu; a bwelela lizumboni la na Israyeli a va embela, khuye: “Khugani, kholu Pfhumu Nungungulu ningede mandzani gwanu lizumbo la Vamedhiyani.”

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.