Genesi 24:22 - Bhibhiliya Nya Guage

²² Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:22 Iomraidhean Croise

Genesi 24:10

Githumi gi di dongisela likhumi dzingameriya dza mune waye, gi gu phara ndzila gi hongola, na gi pharisidwe miningelo nya yingi nya lisima khu mune waye. Gi di dzega ndzila nya guhongole Mesopotamiya, gi hongola dhoropani ga Nahori.

Genesi 24:23

A di wudzisa nyamahegyane, khuye: “U gyanana gya mani uwe? Nyi ngu gu lomba u nyi embela, ndrangani ga babe wago womo wulanga nya gu hi ya lala avbo wutshigu wowu, gani?”

Genesi 24:30

Laboni a di wone phera ni maniya mandzani ga ndriyaye, gambe a di pwide Rebheka na gu ganela, khuye: “Mwama yoyo a nyi embede esi, a diya vbweta mwama aya mu mana ni dzingameriya vbafuvbi ni nambo.

Genesi 24:47

Khavbo avbo, nyi di mu wudzisa gukheni u gyanana gya mani. Uye a di nyi hakha, khuye: Nyi gyanana gya Bhetuweli, mwamana wa Nahori ni Milika. Khavbo avbo, nyi di mu ambagisa phera vbathonvutunu ni maniya mawogoni gwaye.

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

Joba 28:1

“Lisine, hi ngu dziti gukhethu, womo wulanga gu duswago umo parata, ni umo yi nyiviligiswago umo ndralama.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 32:9

Khu guralo, nyi di renga gipeto ga Hananeli, mwamana wa babedugwane wangu, a nga bani ari nagyo Anatoti; nyi mu livba pimo nya likhumi na livbandre na mivili mipimo nya parata.

1 Pedro 3:3

Mu nga dwaneli gu dzi mburisela khu vbavbandze, khu gu luga mindzudzu, ni guambala dziphera ni maniya nya ndralama, ni dzingandzu nya gurengwe khu dzitsapawu nya dzingi.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.