Genesi 23:2 - Bhibhiliya Nya Guage

² Fude nari tigoni ga Kiriyati-Araba, muhuno gu ranwago pwani Hebroni, tigoni ga Khanani. Abrahama a di gira gililo nya gulile Sara.

Genesi 23:2 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 23:1

Sara vbanyide lizana ni magumavili na livbandre na mivili (127) myaga. Khugo ogu gulapha nya matshigu nya guvbanye gwaye.

Genesi 23:19

Khu hwane nya ugo, Abrahama a di dzinga mwangadzi waye Sara, phalani nya giwindri gya Makipela, a gu Hebroni, tigoni ga Khanani.

Genesi 24:67

Khu vbale, Isaki a di dzega Rebheka a mu bedza tshatshani ga mayi waye Sara, a mu hakha kha nga mwangadzi waye, a mu haladza. Isaki a di tangadziswa kharati hwane nya gufe ga mayi waye.

Genesi 27:41

Esawu a dipwa likhulo khu Jakobe, khu kotani nya gikategiso gile a nga ningwago khu babe waye. A di ganela khu monyoni gwaye, khuye: “Ma na vboha matshigu nya gulile babe wangu, hwane nya ugo, nyi na songa ndriyangu Jakobe.”

Genesi 35:27

Jakobe a di vboha ga babe waye Isaki tigoni gwa Mambre ga Kiriyati-Aribha, a gu Hebroni, a gu iyo va luvedego iyo Abrahama ni Isaki.

Genesi 37:14

Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.

Genesi 50:1

Josefa a di dzi thesa khovbeni ga babe waye a lila ni gu mu bhejari.

Genesi 50:10

Avbo va nga vbohago vbagithalatunu gya Atade, githala nya miba gi guromo bambe nya tsongo wa Joridhani, va di gira vbale thumo nya gudzinge ni gililo nya gikhongolo ngudzu; Josefa a di gira gililo nya gikhongolo a lila babe waye khu livbandre na mavili matshigu.

2 Samuweli 1:12

Va di lila, va wombedzelana dzihuwa, va hala kala vbamadambotunu khu kotani ya Sawule ni Jonatane, ni vathu va Pfhumu Nungungulu, ni nyumba ya Israyeli, kholu va di sasedwe khu matshari.

2 Samuweli 1:17

Khavbo avbo, Dhavhidhe a di womba kosi nya gililo a lila Sawule ni mwanaye Jonatane.

2 Samuweli 2:11

Matshigu Dhavhidhe a fumidego, a nga fumago linyumba la Judha dhoropani ga Hebroni, ma diri livbandre na mivili myaga ni livbandre na moyo migima.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

2 Samuweli 5:5

A fumede va na Judha dhoropani ga Hebroni livbandre na mivili myaga ni livbandre na moyo migima, a fumela Jerusalema magumararu na miraru myaga va na Judha ni Israyeli watshavbo.

1 Dzikoronika 6:57

lihundzu la na Isakari, li di mana Kedhesi ni mayigwana yaye ni Dhabherati ni mayigwana yaye,

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

Nehemiya 11:25

Gasi umo nya mitalala ni mahangeni gakone, vambe vathu nya lifumbu la na Judha, va di vbanya Kiriyati-Aribha ni mitalalani gakone, ni Dhibhoni gumogo ni mitalalani gakone,

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Mitengo 13:22

Va di gwela khu Negebhi va vboha Hebroni, avbo va nga bani va romo Ayimani, Sesayi ni Talimayi, livelego la Anaki. Lidhoropa la Hebroni khilo li nga phela gu vbahwa, livbandre na mivili myaga na li si gu vbahwi la Sowani ga Egipito.

Mitengo 20:29

Tshangano watshavbo khu gu wona nya gukhavo Aroni fude, vatshavbo va na Israyeli va di lila Aroni gipimo nya magumararu matshigu.

Johane 11:31

Vajudha va nga bani vari naye nyumbani va mu bangaladza, na va wonide Mariya na gu khuga khu guvbiredza, va di mu landra na va gu pimisa gukhavo a gu hongola thowotunu aya lila iyo.

Johane 11:35

Khavbo avbo, Jesu a di lila.

Mithumo 8:2

Gikhati gyogyo, vathu nya githawo ni Nungungulu va di dzinga Sitefane va gira gililo nya gikhongolo.

Dhewuteronome 34:8

Va na Israyeli va di lila Mosi, mapanini gwa Mowabhi magumararu matshigu kala va enedza matshigu nya gililo gyaye.

Josuwa 10:39

A di dhumela lidhoropa ni mitalala yaye, gumogo ni mufumeli waye, a li sasela khu matshari, a li mbembisela muphelo gumogo ni satshavbo si nga bani siri umo. Kha nga idzo a giridego ga Hebroni ni ga Libhina gumogo ni vafumeli vawe, a di gira gambe kharato ga Dhebhiri ni ga mufumeli waye.

Josuwa 15:13

Aholu Kalebi, mwamana wa Jefoni, a di ningwa thomba vbakari ga va na Judha, kha nga idzo Pfhumu Nungungulu a nga rumago khidzo Josuwa; a di mu ninga lidhoropa la Kiriyati-Aribha, mwendro Hebroni, Aribha yoyu a diri babe wa Anaki.

Josuwa 15:54

Hunta, Kiriyati-Aribha, (a gu Hebroni) ni Ziyori; madhoropa yatshavbo, livbandre na mana gumogo ni mitalala yawe.

Josuwa 20:7

Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha.

Josuwa 21:11

Khu guralo, va di ningwa Kiriyati-Aribha (Aribha a diri babe wa Anaki), a gu uye Hebroni, gipandre gya gigomoni ga Judha, ni wuhaviselo waye.

Valamuli 1:10

Khavbovbo, Judha a di hongola aya dwana ni Vakhanani va nga bani va vbanyela dhoropani ga Hebroni, khu gale gu nga bani gu ranwa pwani Kiriyati-Aribha, a pala Sesayi, Ayimani ni Talimayi.

1 Samuweli 20:31

Na nga gu vbanya mwamana wa Jese, uwe ambari ni mufumo wago kha si na tiya. Olu rumela vaya mu rana va mu resa avba gwago, kholu uye fanede gu songwa!”

1 Samuweli 25:1

A difa Samuweli; vatshavbo va na Israyeli va di tombana vaya mu dzinga ndrangani gwaye, Rama, va gira gililo nya gikhongolo. Dhavhidhe a di khuga a relela giwulani ga Parani.

1 Samuweli 28:3

Khu gikhati gyogyo, Samuweli a di fude, va na Israyeli vatshavbo va di gu lila Samuweli na va mu dzingide dhoropani a nga velegedwago umo; Sawule a di lundride vatshavbo va nya wunyanga ni va nya dzisolo.