Genesi 23:19 - Bhibhiliya Nya Guage

¹⁹ Khu hwane nya ugo, Abrahama a di dzinga mwangadzi waye Sara, phalani nya giwindri gya Makipela, a gu Hebroni, tigoni ga Khanani.

Genesi 23:19 Iomraidhean Croise

Genesi 23:18

gu di tiyiswa kharati gu khala gipeto gya Abrahama mbeli ga Vahiti ni vathu vatshavbo va nga bani va bela khu nyangwa nya lidhoropa.

Genesi 23:20

Gipandre ni liphala nya giwindri si guromo umo, si di tiyiswa mandzani ga Abrahama, khu Vahiti si khala lithowo nya gudzingele umo.

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Genesi 37:14

Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.

Genesi 47:30

Aholu nyi yise nyi ya lala gumogo ni vavelegi vangu; u na nyi dzega u nyi dusa tigoni ga Egipito, u ya nyi dzinga thowoni gwawe.” Josefa a di hakha, khuye: “Nyi na gira esi u nyi embelago.”

Genesi 50:13

Va di mu yisa tigoni ga Khanani va ya mu dzinga thowoni li guromo thembweni ga Makipela, li nga rengwago khu Abrahama ga Efroni Muhiti, gasi gu gira lithowo vbafuvbi ni Mambre.

Genesi 50:25

Josefe a di sambanyisa sanana sa Israyeli a si embela, khuye: “Khu lisine, Nungungulu avbo a na guta mi holela, mu na rwala khavba marambo yangu mu hongola navo.”

Joba 30:23

Nyi ngu dziti gukheni U ngu nyi yisa lufutunu. Wulanga wu dongisedwego vathu vatshavbo va vbanyago.

Muhevbudzi 12:5

ni litshigu gambe va na thavago gu gwela sigomo, gu manega gu thusedzedwa mudzindzilani, mikandzu yi thela nyenvu, dzimbera dzi na hodza dzi nona, dzi kodwa khu guhodza. Kholu muthu a na hongola gaya gwaye nya mahegiso, va malile na va gu dzundrulugela dzindzila;

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Muhevbudzi 6:3

Gwa gu phasa ginani muthu a gu velega lizana (100) sanana, a vbanya myaga nya gutale, matshigu yaye ma lapha ngudzu, aholu hefemulo waye wu si khuri khu gunengela, a gu hamuga ni muthu nya gu mu dzinge; eni nyi ngu tiya nyi ganela gukheni, gyanana gi velegidwego na gi fude gi kategide guvbindra muthu yoyo.