Genesi 22:9 - Bhibhiliya Nya Guage

⁹ Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 22:9 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 12:8

A di khuga khu vbale a gu hongola mbeli kala gigomoni gi guromo phuvbo ga Khugadambo ga lidhoropa la Bheteli. A di tsitsa avbo mitshatsha yaye na gu wona Bheteli khu Muhwadambo, ni Hayi khu Khugadambo; a di gira gambe giluvelo a gu phasela avbo lina la Pfhumu Nungungulu.

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 22:10

Abrahama a di khusedza libogo a gu dusa ngala a vbweta gu paya gyanana gyaye.

Genesi 22:8

Abrahama a di hakha, khuye: “Nungungulu a na hi ninga nvuta nya miphaso nya guvbiswe, mwanangu.” Khu guralo, va di gimbila gumogo vatshavbo.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

1 Dzipfhumu 18:33

Khu hwane a di vegedzela dzikhuni, vbatshani nya dzikhuni, a di handzega mombe na yi piledwe,

Dzindzimo 118:27

Pfhumu khuye Nungungulu a hi ningago wenengedzo; mburiselani buzo khu matamu, kala dzikhonani nya giluvelo.

Matewu 27:2

Va di mu hunga va gu hongola naye vaya mu ningela ga mwamangulu Pilato.

Marko 15:1

Na gu ngari dzimindru, vakhongolo nya vaphasi nya mhamba va di gira tshangano ni madhota ni vahevbudzi nya Nayo, ni Huwo yatshavbo, va hunga Jesu va hongola naye ga Pilato.

Mithumo 8:32

Ndrima nya Milowo a nga bani a gu hevbula kheyi yi gu, khiyo: “Kha nga nvuta a di yiswa gusongwatunu, kha nga nvuta yi degulago mandzani ga oyu a yi gayago mawoya, kharato nuye kha nga tula likana laye.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

Jakobe 2:21

Ina babe wathu Abrahama kha sayedwa muthu nya gululame khu mithumo, gikhati a nga dzumela gu ningela mhamba khu mwanaye Isaki vbagiluvelotunu, gani?

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.