Genesi 22:5 - Bhibhiliya Nya Guage

⁵ A di embela sithumi saye, khuye: “Enu tshalani avba ni giburwana. Eni ni gyanana hi na vbindra hi hongola mbeli hi ya khozela. Hi na wuya nugunugu hi ta mu mana avba.”

Genesi 22:5 Iomraidhean Croise

Genesi 22:19

Khavbo avbo, Abrahama a di bwelela avbo si nga bani na siri avbo sithumi saye, va ya wuya vatshavbo gumogo Bherisebha, iyo a ngaya vbahago ndranga yaye.

Genesi 22:4

Khu litshigu nya wuraru, Abrahama a di khusa maho, a gu wona wulanga na ngari hwindzo.

Genesi 22:6

Abrahama a di dzega dzikhuni nya miphaso a dzi handzega magatani ga mwanaye Isaki, uye a di phara nilo ni ngala mandzani, va bela ndzilani va vavili.

Ekisodha 24:14

A di embela madhota, khuye: “Enu hi vireleni avba kala hi wuya hi ta mi mana. Aroni ni Huri va na tshala nanu; muthu watshavbo a na gu bani nari ni mahungu a na ma bikela gwawe.”

Vahebheru 11:19

Abrahama a di khodwa gukhuye Nungungulu a na dzi kodza gu wusa Isaki khu ga vafudego. Hi na khethu Abrahama hakhide nyaluphye Isaki a nga wuswa khu ga vafudego.

Vahebheru 12:1

Khu guralo, ethu hi randredwe khu dzifakazi nya vathu nya vangi ngudzu. Hongoleni hi dige satshavbo esi si hi segelago ndzila, hi diga ni gighoho gi hi namarelago khu tshivba, hi tutuma nyamba vbela tshivba, hi landra pfhuka wu nga tshadego mbeli gwathu.