Genesi 22:14 - Bhibhiliya Nya Guage

¹⁴ Abrahama a di rana wulanga wule khuye: “Pfhumu Nungungulu a na ninga phindrulo.” Kala na muhuno gu ganedwa gupwani: “Gigomoni a ningago phindrulo Pfhumu Nungungulu.”

Genesi 22:14 Iomraidhean Croise

Genesi 22:13

Khavbo avbo, Abrahama a di khusa maho, a wona nvuta mweyo na yi khwetede khu dzikeho misimboni. A di yi dzega a gu gira khiyo mhamba nya miphaso nya guvbiswe, a dzegisa khiyo mwanaye.

Genesi 22:15

Khavbo avbo, ngilozi ya Nungungulu yi di rana gambe Abrahama nya wuvili khu vbatshani ndzadzini,

Genesi 22:8

Abrahama a di hakha, khuye: “Nungungulu a na hi ninga nvuta nya miphaso nya guvbiswe, mwanangu.” Khu guralo, va di gimbila gumogo vatshavbo.

Genesi 28:19

Jakobe a di rana wulanga wule, khuye Bheteli, lidhoropa khu gale li nga bani li gu ranwa gupwani Wenengedzo.

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

1 Dzipfhumu 17:8

Khavbo avbo, lito la Pfhumu Nungungulu li dita avbo gwaye, khilo:

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

1 Samuweli 29:10

Khu guralo, mindru gu ngari dzimindru, uwe gumogo ni vathu vago u ngatago navo; me ni gu duga lidambo, bwelelani.”

1 Samuweli 7:12

Khavbo avbo, Samuweli a di dzega giwindri a gi emisa khu vbakari ni vbakari ga Misipa ni Semi, a gi rana khuye Ebhenizeri, gutshamuselago gupwani: “Kala avba, Pfhumu Nungungulu a hi phaside.”