Genesi 22:12 - Bhibhiliya Nya Guage

¹² Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

Genesi 22:12 Iomraidhean Croise

Genesi 20:11

Abrahama a di hakha, khuye: “Eni nyi di pimisa khu monyoni gwangu kheni, khu lisine tigoni momu gu mwalo githawo ga Nungungulu, va na nyi songa khu gufela mwangadzi wangu.

Genesi 22:13

Khavbo avbo, Abrahama a di khusa maho, a wona nvuta mweyo na yi khwetede khu dzikeho misimboni. A di yi dzega a gu gira khiyo mhamba nya miphaso nya guvbiswe, a dzegisa khiyo mwanaye.

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

Genesi 26:5

kholu Abrahama yingiside lito langu, a wuya a gu landrisa sileletelo sangu ni milayo yangu.”

Genesi 42:18

Khu litshigu nya wuraru Josefa a di va embela, khuye: “Girani esi mu na vbanya, kholu eni nyi ngu thava Nungungulu;

Nehemiya 5:15

Aholu vafumeli va fumidego khu hwane gwangu, va di gurumedza vathu khu gu va hengisa gikhaba, va va dzegela guhodza ni wadwa, ambari gambe va nga bani va va hengisa magumana mipimo nya parata, ni sithumi sawe, si di va tshanisa niso. Aholu eni kha nya thuma isoso, kholu nyi gu ni githawo ni Nungungulu.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 2:11

Khozelani Pfhumu Nungungulu khu githawo mu tsaka ni gu ndrendremela mbeli gyaye.

Dzindzimo 25:12

Muthu a thavago Pfhumu Nungungulu, Uye a na mu hevbudza ndzila nya gubele khiyo;

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Ekisodha 20:20

Mosi a di embela vathu, khuye: “Mu nga thavi. Kholu Nungungulu a dita, gasi guta mi linga, khu gu fela gukhuye githawo gyaye gi manega na gi romo mbeli gwanu, gasi mu si ghohini.”

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Jeremiya 19:5

Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Varoma 5:8

Aholu, Nungungulu a hi yeyedzide gueta nya lihaladzo laye ga ethu, khu gu Kristo a hi fela ethu na hiri sighohi.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

Vahebheru 11:19

Abrahama a di khodwa gukhuye Nungungulu a na dzi kodza gu wusa Isaki khu ga vafudego. Hi na khethu Abrahama hakhide nyaluphye Isaki a nga wuswa khu ga vafudego.

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”

Gutuledwa 19:5

Khu vbagikhalotunu nya mufumo gu di duga lito, khilo: “Rungudzani Nungungulu wathu, enu mwatshavbo sithumi saye, enu mu gu ni githawo gwaye, nya vadugwana ni vakhongolo.”

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.