Genesi 22:11 - Bhibhiliya Nya Guage

¹¹ Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 22:11 Iomraidhean Croise

Genesi 16:7

Ngilozi ya Pfhumu Nungungulu yi di ya mu mana giwulani, vbafuvbi ni gifefe nya mati ndzilani nya guye Suri.

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 21:18

Khusa gyanana, gi wugarele gwadi, kholu khu igyo, nyi na wusa litigo nya likhongolo.”

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Genesi 22:10

Abrahama a di khusedza libogo a gu dusa ngala a vbweta gu paya gyanana gyaye.

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 31:11

Ngilozi ya Pfhumu Nungungulu yi di nyi tivisa khu ndroroni, khiyo: “Jakobe!” Eni nyi di thana, kheni: “Nyi womo avba.”

Genesi 37:13

Israyeli a di embela Josefa, khuye: “Vandriyago vomo Sikemi va gu havisa mitshambi. Dzi dongisele kholu nya gu vbweta gu gu rumela gwawe.” Josefa a di hakha, khuye: “Nyi dongide.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

Ekisodha 3:2

Avbovbo, Ngilozi ya Pfhumu Nungungulu yi di dzi wonegisa gwaye vbakari nya malavbelavbe nya nilo mugipopwanani. Mosi a di ema a khedzisela gipopo gi nga bani gi khondra, aholu gi di si tsagami.

Ekisodha 3:4

Avbo Pfhumu Nungungulu a nga wona gukhuye Mosi a ngu hidzimela gasi guta wona gwadi, a di mu rana khu vbakari nya gipopo, khuye: “Mosi! Mosi!” Uye a di hakha, khuye: “Nyi womo avba.”

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Mithumo 26:14

Hatshavbo hi di thega vbavbatshi. Khavbo avbo, eni nyi dipwa lito na li nyi rana khu Giharami, khilo: ‘Sawule, Sawule! Khu ginani u nyi sanisago? Kanu wago khandri wa gilo.’

Mithumo 9:4

A di thega vbavbatshi a pwa lito na li gukhilo “Sawule, Sawule, khu ginani u nyi sanisago?”

Valamuli 2:1

Ngilozi ya Pfhumu Nungungulu yi di gwela khu Ghiligali kala Bhokimi yi ya ganela, khiyo: “Nyi mi duside khu tigoni ga Egipito, nyi mi yisani ga litigo nyi mi tumbisidego khu gu sambanyela vababe vanu. Nyi di mi embede, kheni: Gima kha nyi na pfhungumula gidzumeledzwano nyi hungidego nanu kala gupindruga.

1 Samuweli 3:10

Khavbo avbo, Pfhumu Nungungulu a dita vbafuvbi gwaye, a mu rana kha nga idzo a nga mu ranago khidzo ga dzimbe dzinyondro, khuye: “Samuweli! Samuweli!” Samuweli a di hakha, khuye: “Ganela, Pfhumu Nungungulu; githumi gyago gi ngupwa!”

1 Samuweli 3:4

Pfhumu Nungungulu a di rana lidzaha, khuye: “Samuweli, Samuweli!” Uye a di hakha, khuye: “Nyi womo avba!”