Genesi 21:17 - Bhibhiliya Nya Guage

¹⁷ Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 21:17 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 16:11

Ngilozi ya Pfhumu Nungungulu yi di mu embela gambe, khiyo: “U na ni mimba u na velega gyanana nya gikhwathana u na gi riyago lina nya gupwani Ismayeli, kholu Pfhumu Nungungulu pwide lito nya gutshaniseke gwago.

Genesi 16:7

Ngilozi ya Pfhumu Nungungulu yi di ya mu mana giwulani, vbafuvbi ni gifefe nya mati ndzilani nya guye Suri.

Genesi 16:8

Ngilozi ya Pfhumu Nungungulu yi di embela Agari, khiyo: “Agari, githumi gya Sarayi, wa guta khu evbi? Wa gu hongola hayi?” Uye a di hakha, khuye: “Nya gu thava mune wangu Sarayi.”

Genesi 16:9

Ngilozi ya Pfhumu Nungungulu yi di mu embela, khiyo: “Bwelela ga mune wago, u ya dzi thesa vbavbatshi mbeli gwaye.”

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

2 Dzipfhumu 13:4

Aholu Jeyowakazi a di lombelela mbeli ga Pfhumu Nungungulu; ni Pfhumu a di mu yingisa; kholu a di wona idzo va nga bani va tshaniswa khidzo va na Israyeli khu mufumeli wa Siriya.

Dzindzimo 10:14

Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 6:8

Ndreyani mbeli gwangu, mwatshavbo mu girago guvivba kholu Pfhumu Nungungulu pwide huwa nya gulile gwangu.

Dzindzimo 65:2

Uwe u yingisago milombelo, vathu vatshavbo va nata avbo gwago.

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Ekisodha 22:23

Kholu mwa gu va tshanisa, avo va womba huwa avbo gwangu, Eni nyi na va yingisa gulila gwawe;

Ekisodha 22:27

kholu khigyo basi gifenengelo a gu nagyo gasi guvhikela girame mili waye. A gu lala a na fenengela ginani? A gu lila avbo gwangu Eni nyi na mu yingisa, kholu Eni nyi ngu pwela wusiwana vathu.

Ekisodha 3:2

Avbovbo, Ngilozi ya Pfhumu Nungungulu yi di dzi wonegisa gwaye vbakari nya malavbelavbe nya nilo mugipopwanani. Mosi a di ema a khedzisela gipopo gi nga bani gi khondra, aholu gi di si tsagami.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Isaya 22:1

Egi gitiviso ga kova nya Giwoniso gi gukhigyo: Gasi olu enu, ginani gi mi garadzago, gu kala mwatshavbo mu thavela vbatshani nya dzinyumba?

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Matewu 15:32

Jesu, na ranide vapizane vaye, a di va embela, khuye: “Nyi ngu pwa gisiro khu vathu vava, kholu va na ni matshigu mararu na nyiri navo, nyamba hodza gilo. Kha nyi vbweti gu va diga va hongola nyamba hodza gilo, va nga rereka ndzilani.”

Marko 5:36

Aholu, Jesu kha nga thela kota khu mwango wule. A di embela muthangeli nya nyumba nya nombelo, khuye: “U nga thavi gilo, khodwa basi.”

Dhewuteronome 26:7

Khu guralo, hi di lila ga Pfhumu Nungungulu wa vababe vathu; Pfhumu Nungungulu a dipwa lito nya gulile gwathu; a wona gutshaniseka, mithumo gumogo ni wuvi wathu;

Valamuli 18:23

Va di laledza khu hwane ga va na Dhani, va na Dhani va di thendregedza va embela Mika, khavo: “Gasi ginani u gu nagyo gu kala u ramba vathu vatshavbo vovo?”

1 Samuweli 11:5

Khu gikhati gyogyo, Sawule a di gu wuya khu gundze, na gu ghula dzimombe, a di wudzisa, khuye: “Gasi ginani gi nga dugelela ga vathu, va lilago?” Khavbo avbo, va di mu tshamusela magana ya vathu va Jabhesi.