Genesi 21:16 - Bhibhiliya Nya Guage

¹⁶ uye aya khala phuvbo, pfhuka nya guningane uwo nya giholoma gya gu khwandrwa khu wulaho. A di gu ganela khu monyoni gwaye, khuye: “Kha nyi vbweti gu wona gyanana gyangu na gi gufa.” Na khade mbeli gwaye, gyanana gi di khusa lito gi lila.

Genesi 21:16 Iomraidhean Croise

Genesi 21:15

Gikhati ma vbedego mati gikanvwanani, Agari a di dzega gyanana a gi vega mutsani nya simbo,

Genesi 27:38

Esawu a di wudzisa babe waye, khuye: “Ina gikategiso gimwegyo basi u gu nagyo gani baba wangu? Nyi kategise neni baba wangu.” A di khusa lito a lila khu tshivba.

Genesi 29:11

Khu hwane a di losa Rakeli khu bhesu, a phela gu lila khu lito nya gukhugege ngudzu.

Genesi 44:34

Nyi na dzi kodza kharini gu bwelela nyi ya wonana ni babe wangu, nyamba hongola ni gyanana? Kha nyi vbweti gu wona wuvi wu na bayisago babe wangu.

1 Dzipfhumu 17:12

Aholu nyamayi a di mu embela, khuye: “Nyi ngu sambanya khu womi wa Pfhumu Nungungulu wago, kheni: Nyi mwalo gilo, ambari ni kati moyo basi, vbavbandze basi nya wuguvbyana wudugwana omu nya gifugwana, ni mafuranyana madugwana mu gigasini. Nyi di roledzela dzikhuninyana dzedzi gasi nyi bwelela gaya, nyi ya phula sidugwana sesi si tshadego, nyi hodza eni ni gyanana gyangu, khu hwane hi khedzisela gufa basi.”

1 Dzipfhumu 3:26

Aholu mune gyanana gi vbanyago a di garadzega monyoni gwaye khu kotani nya gyanana gyaye, a di ganela, khuye: “Oh! Pfhumu yangu, mu ningeni gyanana gegi gi vbanyago, mu nga gi songini.” Aholu mumbe a di khuye: “Gi na kabaniswe! Khu guralo, kha gi na khala gyago ambari gu khala gyangu.”

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Luka 15:20

A di phara ndzila aya ga babe waye. “Na nga guta khu hwindzo, a di wonwa khu babe waye, a nga pwago gisiro, a mu khinga khu mazambo, aya mu wugarela ni gu mu bhejari.

Valamuli 2:4

Avbo Ngilozi ya Pfhumu Nungungulu yi nga ta ganela magana yaya ga vatshavbo va na Israyeli, vathu va di khusa malito va lila.

Rute 1:9

Pfhumu Nungungulu a na mi ninge gurula, ga moyo ni moyo nya enu, mudzindrangani ga vama vanu.” A di va bhejari a vbanganana navo. Aholu avo va di lila khu lito nya gukhugege.

1 Samuweli 24:16

Dhavhidhe na ngari gu vbedza gu ganela magana yatshavbo yaya ga Sawule, Sawule a di khuye: “Ina lito lago lolo gani mwanangu Dhavhidhe?” Sawule a di lila khu lito nya gukhugege.

1 Samuweli 30:4

Khavbo avbo, Dhavhidhe gumogo ni vathu a nga bani nari navo, va di khusa lito va lila kala va vbeledwa khu tshivba nya gulile.