Genesi 21:11 - Bhibhiliya Nya Guage

¹¹ Magana yaya ma di swihadza ngudzu Abrahama kholu Ismayeli nuye a diri gyanana gyaye.

Genesi 21:11 Iomraidhean Croise

Genesi 17:18

Abrahama a di embela Pfhumu Nungungulu, khuye: “Oh, Nungungulu wangu, a na vbanye Ismayeli mbeli gwago!”

Genesi 21:12

. Aholu Nungungulu a di mu embela, khuye: “U nga garadzegi khu kotani nya gyanana ni githumi gyago. Gira satshavbo esi Sara a gu embelago; kholu livelego li na gu wusago lina lago kala gupindruga khu Isaki

2 Samuweli 18:33

Khavbo avbo, mufumeli, a di vbisega ngudzu monyoni gwaye, a gwela aya nyumbani ga vbatshani nya nyangwa na gu lila; a di gimbila na gukhuye: “Mwanangu Abhisalamo, mwanangu, mwanangu Abhisalamo! Gu diri tshukwana na nyi fude eni wulangani gwago, mwanangu Abhisalamo, mwanangu!”

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Vahebheru 12:11

Khu lisine, olu gutsayiswa gwatshavbo kha gu wonegi na gu tsakisa, gwa gu wonega nga gusaniswa. Aholu, khu gikhati gyakone, gu ngu ninga handro nya gurule ni gululama ga vale va dandrisidwego khugo.