Genesi 20:9 - Bhibhiliya Nya Guage

⁹ Hwane nya ugo, Abhimeleki a di ranisa Abrahama a mu embela, khuye: “Ginani u giridego gwathu? Gihoso muni hi giridego gwago, gu kala u rana nandru nya wukhongolo ngudzu ga eni ni litigo langu latshavbo? Uwe u nyi girede esi si si yeligo gu girwa khu muthu.”

Genesi 20:9 Iomraidhean Croise

Genesi 12:18

Faro a di rumela guya ranwa Abrama, a ta mu embela, khuye: “Khu ginani u giridego esi kharati? Khu ginani u ngamba nyi embela gukhuwe i mwangadzi wago?

Genesi 20:10

Abhimeleki a di wudzisa gambe Abrahama, khuye: “Ginani u nga gi wona gu kala u gira kharati?”

Genesi 20:8

Abhimeleki a di wuga ni dzimindru ngudzu a ramba madhota yaye yatshavbo, a ma embeledzela satshavbo, avo va di tala khu hwanga nya wukhongolo ngudzu.

Genesi 26:10

Abhimeleki a di engedza, khuye: “Ginani u giridego? Gu di tshala vbadugwanana basi mwama wa tigoni gwathu na lade ni mwangadzi wago, khu kharato, nu hi giriside gighoho.”

Genesi 29:25

Ni dzimindru, gikhati Jakobe a nga wonago gukhuye gasi khu Liya a gu naye, a di embela Laboni, khuye: “Ginani esi u nyi giredego? Gasi eni kha nya gu thumela livbandre na mivili myaga khu gola Rakeli, gani? Khu ginani olu u nga nyi pemba?”

Genesi 34:7

Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

Genesi 38:24

Gipimo nya migima miraru, va di ta embela Judha, khavo: “Ngadzamwane wago Tamari bhayide, olu khuride mimba.” Judha a di hakha, khuye: “Mu duseni vbavbandze aya vbiswa na nga gu vbanya!”

Genesi 39:9

“Mwalo mumbe nya guvbindre eni ndrangani momu, gambe uye kha nyi himbedzeli gimbe gilo vbavbandze ga uwe basi, kholu uwe u mwangadzi waye. Nyi ngu dzi kodza kharini eni gu gira gihoso nya gikhongolo nya kharato, nyi ghohela Nungungulu, na?”

2 Samuweli 12:5

Khavbo avbo, Dhavhidhe a di goroga ngudzu khu muthu yoyo, a embela Natani, khuye: “Nyi ngu sambanya khu Pfhumu Nungungulu a vbanyago, gukheni muthu yoyo a giridego isoso fanede gufa!

2 Samuweli 13:12

Aholu Tamari a di mu embela, khuye: “Ahihi ndriyangu, u nga nyi gurumedzi gu gira silo nya nga isoso, kholu omu tigoni ga Israyeli, kha va giri silo nya guhandruge nya isoso.

Ekisodha 32:21

Mosi a di wudzisa Aroni, khuye: “Ginani va gu giridego vathu vava, gukala u va diga va gira gighoho nya gikhongolo kharati?”

Ekisodha 32:35

Pfhumu Nungungulu a di tsayisa vathu kholu va nga gurumedza Aroni gu va girela gimombyana.

Mavingu 28:10

Uye a ndreyisago va nya gululama a va yisa ndzilani nya guwegele, a na thegela phalani a li kembidego abune, aholu uye a si dzumeligo gu sengwa, a na mana tshatshazelo nya wadi.

Levhi 20:10

Mwama a gu bhaya ni mwangadzi wa mwama kwawe, mwama ni nyamayi vale va nga bhayana, khu wuvili wawe va na songwe.

Varoma 2:11

Kholu Nungungulu kha hatheli vathu.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Josuwa 7:25

Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni.