Genesi 20:7 - Bhibhiliya Nya Guage

⁷ Gasi olu bweledza nyamayi ga mwama waye kholu uye muprofeti a na gu lombelela gasi u vbanya, aholu wa gumba mu bweledza dziti nya gukhuwe khu lisine furi u nafa, uwe gumogo ni vathu vago vatshavbo.”

Genesi 20:7 Iomraidhean Croise

Genesi 12:15

Manganagana ya Faro, gikhati ma nga mu wonago, ma di ya ganela khu uye ga Faro, ma zundza wumburi waye. Khu guralo, mwangadzi wa Abrama a di dzegwa a yiswa nyumbani ga Faro.

Genesi 12:17

Aholu Pfhumu Nungungulu a di tsayisa khu mitungu nya yikhongolo Faro ni ndranga yaye khu kotani ga Sarayi mwangadzi wa Abrama.

Genesi 2:17

aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

Genesi 20:18

Kholu Pfhumu Nungungulu a di bangisa mahembe ya vanyamayi vatshavbo va ndrangani ga Abhimeleki, va khala sifule khu kotani ya Sara, mwangadzi wa Abrahama.

Genesi 20:3

Aholu Nungungulu a di embela Abhimeleki khu ndroroni ni wutshigu, khuye: “U nafa khu kotani nya nyamayi u dzegidego, kholu ngadzavane.”

Genesi 20:8

Abhimeleki a di wuga ni dzimindru ngudzu a ramba madhota yaye yatshavbo, a ma embeledzela satshavbo, avo va di tala khu hwanga nya wukhongolo ngudzu.

Genesi 23:6

“Hipwe gwadi pfhumu yangu: Uwe u muthu wa Nungungulu vbakari gwathu. Hatha eli nya ladi ngudzu vbakari nya marowo yathu, u dzinga umo mwangadzi wago. Vbakari gwathu mwalo a kodzago gu guma lithowo laye gasi uya dzinga umo mwangadzi wago.”

2 Samuweli 24:17

Avbo Dhavhidhe a nga wona Ngilozi nya gumbembise vathu, a di ganela ga Pfhumu Nungungulu, khuye: “Wona, kheni nyi ghohidego, kheni nyi giridego guvivba gwatshavbo gogu; gasi dzinvuta dzedzi, ginani dzi ghohidego? Gyandza gyago, gi na vete eni gumogo ni ndranga ya babe wangu.”

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

2 Dzipfhumu 5:11

Aholu Nahamani a di swireka a khuga a hongola, na gu ganela, khuye: “Eni nyi di gu alakanya gukheni a na duga ata avbo gwangu, ata ema a lombelela ga Pfhumu Nungungulu waye, a nyi bavbula khu mandza yaye, a thuma sokono yangu.

1 Dzikoronika 16:22

khuye: Mu nga khumbi sihathwa sangu, mu nga tshanisi vaprofeti vangu.

2 Dzikoronika 30:18

Kholu gidzemo nya gingi nya vathu nya gute khu tigoni ga Efrayimi, ga Manasi, ga Isakari ni ga Zabhuloni, gi hodzide ginvutana nya Phasika nyamba dzi agisa, va hambana nidzo gu lovidwego khidzo. Aholu Ezekhiya a di lombelela khu avo, khuye: “Pfhumu Nungungulu a gu wadi, a na pwele wuhindzi muthu watshavbo

Joba 34:19

Nungungulu kha khedzi giyemo nya vathangeli, mwendro gu gola sitetema, a nyenya sisiwana, kholu vatshavbo sivangwa nya gugirwe khu mandza yaye.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Ekisodha 18:17

Sade wa Mosi a di mu embela, khuye: “Khandridzo edzi u girago.

Ekisodha 4:16

Wulangani gwago a na ganela uye ga vathu a na khala uye likana lago, uwe gwaye u na khala kha nga Nungungulu.

Ekisodha 7:1

Khavbo avbo, Pfhumu Nungungulu a di embela Mosi, khuye: “U ngu wona, nyi ngu gu gira Nungungulu mahoni ga Faro. Ndriyago Aroni a na khala muprofeti wago.

Jeremiya 14:11

Pfhumu Nungungulu a di engedza a nyi embela gambe, khuye: “U nga dzi garadzi khu gu lombelela gu vbweta iso nya sadi ga vathu vava.”

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 27:18

Avo a gu bani na vari vaprofeti, va rumedwego khu Pfhumu Nungungulu na vari ni mahungu yaye, va na lombelele ga Pfhumu Nungungulu nya Tshivba Yatshavbo, gasi sombo si tshadego Nyumbani gwa Pfhumu Nungungulu, ni nyumbani ga mufumeli wa Judha, ni Jerusalema, si si dzegwi si yiswa Bhabhiloni.

Ezekiyeli 3:18

Nya gu embela muthu nya guvivbedwe khu monyo, kheni: “Khu lisine u nafa, uwe u si mu kawuki ambari gu mu gurumedza gu diga dzindzila dzaye nya guvivbe, gasi guvbulugisa womi waye; muthu wule a nafa khu wuvivbi waye, aholu uwe u na bani uri ni nandru khu gufa gwaye.”

Ezekiyeli 33:8

Eni nya gu ganela ga uye nya guvivbedwe khu monyo, kheni: Khu lisine uye a nafa, uwe u si mu embeli gasi uye a ndreye ndzilani nya guvivbe, muthu wule nya guvivbedwe khu monyo a nafa khu kotani nya wuvivbi waye, aholu eni nyi na gu rwega nandru khu gufa ga muthu yoyo.

Levhi 6:4

Oyu a ghohago khu magirelo yaya, a ngu mana nandru, fanede gu bweledza gile a bidego, mwendro gu kalavela muthu kwawe; gilo a nga phariswago, mwendro gilo gi nga bani gi dzimede a gi rola;

Levhi 6:7

Muphasi nya mhamba a na mu girela phaso nya ditshedzo mbeli ga Pfhumu Nungungulu, khavbo avbo, a na tsetseledwa milandru yatshavbo a ghohidego.”

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

1 Vakorinto 14:4

Oyu a ganelago mambe malimi a gu dzi phasa uye wurumba waye, gasi oyu a tivisago mahungu ya Nungungulu a gu vbaha Libandla.

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 7:5

Samuweli a di engedza a ganela, khuye: “Tshanganisani va na Israyeli vatshavbo dhoropani ga Misipa, eni nyi na lombelela khu enu ga Pfhumu Nungungulu.”

1 Samuweli 7:8

Va embela Samuweli, khavo: “U nga garali khu gu hi lombelela ga Pfhumu Nungungulu wathu, gasi a hi vbulugise mandzani ga Vafilisitiya.”