Genesi 20:5 - Bhibhiliya Nya Guage

⁵ Gasi khandruye Abrahama a nyi embedego gukhuye: I ndriyangu, gani? Ambari uye mune kha tiyisa nuye gukhuye i ndriyaye, gani? Eni nyi giride esi khu mapimo nya yadi na nyi agide monyoni gwangu.”

Genesi 20:5 Iomraidhean Croise

Genesi 12:13

Khu guralo, nyi ngu gu lomba gukheni u ganela gukhuwe u ndriyangu, gasi nyi fela gu pharwa gwadi khu kotani yago.”

Genesi 20:13

Avbo Nungungulu a nyi dzegidego a nyi gira mulegalegi hwindzo ni valongo vangu, eni nyi di embela mwangadzi wangu, kheni: U na nyi girela wuhindzi nya gu ni wevbini wulanga hi na vbohago, uwe u na khuwe eni nyi ndriyago.”

Genesi 20:16

A di embela Sara, khuye: “Wona, nyi ngu ninga ndriyago likhumi mazana (1.000) singerengere nya parata. Egi gi na khala avbo gwago kha nga gifenengelo mahoni gwa vatshavbo u vbanyago navo, uwe u agisidwe ga satshavbo sesi.”

1 Dzipfhumu 9:4

Gasi uwe, wa gu gimbila mbeli gwangu kha nga babe wago Dhavhidhe, khu monyo wago watshavbo ni gululama, u gira satshavbo iso nyi gu rumidego, u sayisa sileletelo ni milayo yangu,

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 33:9

Eni nyi handzegide, nyi mwalo gighoho; nyi agide, nyi mwalo nandru.

Dzindzimo 24:4

Khu uye a gu ni mandza ma lulamidego a gu ni monyo wu agidego, a si tumbigo vanungungulu nya malipha, a si sambanyigo malipha.

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 7:8

Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Dzindzimo 73:13

Khu guralo, kha ga phasa gilo gu agisa monyo wangu, gu vbweta guvbanya gwadi ni gu dzi agisa nyi si giri gighoho.

Dzindzimo 78:72

Dhavhidhe a di va sayisa gwadi khu ndruda, a va fumela khu guti nya gukhongolo.

Mavingu 11:3

Gutumbega ga valulamidego gu na va hetedza, aholu manyala ya sighohi, ma gu va mbembisa.

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

1 Vatesalonika 2:10

Enu mu dzifakazi, Nungungulu nuye, nya edzi hi khadego khidzo vbakari gwanu, enu vakhodwa. Hi khade khu gululama, ni wuwadi nyamba solega.

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

Josuwa 22:22

Nyadzitshivbe, Nungungulu, Pfhumu, Nyadzitshivbe, Nungungulu, Pfhumu, Uye a ngu dziti; Israyeli nuye a na dziti! Ethu ha gu bani hi giride esi khu gu hambana ni gu wugela Pfhumu Nungungulu ni gu mu ghohela, muhuno kamwe Uye a nga hi vbanyisi.