Genesi 20:3 - Bhibhiliya Nya Guage

³ Aholu Nungungulu a di embela Abhimeleki khu ndroroni ni wutshigu, khuye: “U nafa khu kotani nya nyamayi u dzegidego, kholu ngadzavane.”

Genesi 20:3 Iomraidhean Croise

Genesi 12:17

Aholu Pfhumu Nungungulu a di tsayisa khu mitungu nya yikhongolo Faro ni ndranga yaye khu kotani ga Sarayi mwangadzi wa Abrama.

Genesi 12:18

Faro a di rumela guya ranwa Abrama, a ta mu embela, khuye: “Khu ginani u giridego esi kharati? Khu ginani u ngamba nyi embela gukhuwe i mwangadzi wago?

Genesi 20:7

Gasi olu bweledza nyamayi ga mwama waye kholu uye muprofeti a na gu lombelela gasi u vbanya, aholu wa gumba mu bweledza dziti nya gukhuwe khu lisine furi u nafa, uwe gumogo ni vathu vago vatshavbo.”

Genesi 28:12

Khavbo avbo, Jakobe a di lora. A di wona gilito na gi tsitsidwe mafuni, tshokhatunu gakone na gu ghuma ndzadzini, avbo nya gilito gyogyo, gu di lita ni gu tshiga dzingilozi dza Nungungulu.

Genesi 31:24

Aholu ni wutshigu Nungungulu a di endrela Laboni khu ndroroni a mu embela, khuye: “Dzi wonele, u nga wudzisi gilo Jakobe, ne khu gwadi ne khu guvivba.”

Genesi 37:5

Josefa a di lora ndroro, a gu embela vandriyaye; avo va di engedzela gu mu venga khu tshivba.

Genesi 37:9

Josefa a di engedza gulora yimbe ndroro a embeledzela vandriyaye, khuye: “Nyi loride gambe yimbe ndroro: Khu ndroroni nyi di wona lidambo ni ngima ni likhumi na mweyo dzinyeledzi na dzi gu noga mbeli gwangu.”

Genesi 40:5

Tshigu mwedo, muthangeli nya vatheledzeli nya sikombe vbamezatunu ni muthangeli nya vagiri nya mikati ya mufumeli wa Egipito, va vavili va di lora pasoni momo, ni wutshigu wa wumowo; moyo ni moyo a di lora ndroro yaye nya tshamuselo nya guhambane.

Genesi 40:8

Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

1 Dzikoronika 16:21

Kha dzumela gukhuye va tshaniswa khu muthu, aholu khu lihaladzo gwawe, a tsayiside vafumeli;

Joba 33:15

A ngu ganela vbawutshigutunu, khu dzindroro ni siwoniso, na va lade ligovbe nya tshimatshima; vathu va ngari vbamalawutunu gwawe,

Joba 33:17

gasi vathu va duge mithumoni gwawe nya guvivbe, ni gu va dusa matshandzani gwawe.

Dzindzimo 105:14

Kha dzumedzisa gukhuye va saniswa khu muthu, khu lihaladzo a nga bani ari nalo navo, a di kawuka dzipfhumu a ganela, khuye:

Jona 3:4

Jona a di bela dhoropani a gimbila litshigu rumba a huwelela, khuye: “Gu nga tshade gipimo nya magumana matshigu, Ninivha gu na pfhungumudwa.”

Mitengo 22:9

Aholu Nungungulu a di hidzimela ga Bhalahama aya mu embela, khuye: “Gasi khu vamani vama vava u gu navo avba?”

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”