Genesi 20:2 - Bhibhiliya Nya Guage

² Abrahama a di rana mwangadzi waye, khuye: “I ndriyangu.” Abhimeleki, mufumeli wa Gerari a di rumela guya dzega Sara.

Genesi 20:2 Iomraidhean Croise

Genesi 12:15

Manganagana ya Faro, gikhati ma nga mu wonago, ma di ya ganela khu uye ga Faro, ma zundza wumburi waye. Khu guralo, mwangadzi wa Abrama a di dzegwa a yiswa nyumbani ga Faro.

Genesi 20:12

Gu diga nya isoso, uye i ndriyangu furi khu lisine, gyanana nya guvelegwe khu babe wangu, aholu khandri gyanana gya mayi wangu, nyi di mu dzega gasi gu khala mwangadzi wangu.

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

Genesi 26:1

Gu di manega ndzala nya yikhongolo ngudzu tigoni mule, gu diga ndzala nya guphele ya matshiguni ya Abrahama. Isaki a di hongola Gerari ga Abhimeleki, mufumeli wa Vafilisitiya.

Genesi 26:16

Abhimeleki a di embela Isaki, khuye: “Khuga avba u hongole, kholu u fumide ngudzu guvbindra ethu.”

Genesi 26:7

A gu wudziswa khu vathu va tigoni mule khu mahungu ya mwangadzi waye, uye a di va hakha, khuye: “I ndriyangu,” kholu uye a di gu pimisa monyoni gwaye, khuye: “Vathu va wulanga wowu va na nyi songa khu kotani ya Rebheka, kholu a diri nyamayi nya gumbure ngudzu.”

2 Dzikoronika 19:2

Muprofeti Jewu, mwamana wa Hanane, a di mu khinga, a embela mufumeli Josafati, khuye: Ina u na ni fanelo nya guphasedzele muthu nya guvivbedwe khu monyo ni gu gola vale va nyenyago Pfhumu Nungungulu, gani? Khu guralo, Pfhumu Nungungulu a gu gorogede ngudzu.

2 Dzikoronika 20:37

Aholu Eliyezeri, mwamana wa Dhodhava wa Maresa, a di profeta ga Josafati a mu embela, khuye: Kha nga olu u thangidego wupari ni Akazi, Pfhumu Nungungulu pfhungumude mithumo yago. Mataro ma na khungumuga ma si kodzi gu hongola Tarisisi.

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Mavingu 6:29

Khu kharato, muthu watshavbo a bhayago ni mwangadzi wa mumbe muthu, a na ni nandru, kha na vbuluga gu tsayiswa.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vakolosi 3:9

Mu nga liphelani khu gyanu. Enu mu tshude muthu wa gale ni mavbanyelo yaye,