Genesi 2:8 - Bhibhiliya Nya Guage

⁸ Pfhumu Nungungulu a di yala lithembwe Edheni, khu phuvbo ga Khugadambo a gu vega umo muthu a nga mu wumbago.

Genesi 2:8 Iomraidhean Croise

Genesi 13:10

Loti a di khedzisa lipani latshavbo nya tsongo wa Joridhani. Lithembwe li di theledzedwe gwadi mati, gufanane ni Egipito, li anama kala gu vboha tigoni gwa Zowari. Esi satshavbo si giregide Pfhumu Nungungulu na si gu khungumuli Sodhoma ni Ghomora.

Genesi 3:23

Khu magirelo yoyo, Pfhumu Nungungulu a di mu tutumisa thembweni ga Edheni. Muthu a di gurumedzwa guya lima mafu aya a nga wumbwago khayo.

Genesi 3:24

Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.

Genesi 4:16

Khavbo avbo, Kayimi a di khuga a gu ndreya hwindzo ni Pfhumu Nungungulu. A diya vbanyela tigoni ga Nodhi, phuvbo ga Khugadambo gwa Edheni.

2 Dzipfhumu 19:12

Ina mayigo yoyo, ma mbembisidwego khu vababe vangu, ma vbulugisidwe khu vanungungulu vawe: Nya nga Gozani, Harani, Rezefi ni ga sanana sa Edheni, si nga bani siri tigoni ga Telasari, gani?

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Ezekiyeli 27:23

Harani, Kani ni Edheni, varengisi va Sabhani, Asuri ni Kilimadhi va giride wugwewo nago.

Ezekiyeli 28:13

Uwe u diromo Edheni, thembweni ga Nungungulu; u di gu dzi fenengedza khu siwindri satshavbo nya lisima a gu esi: Saridhiyo, topaziyo, dayimani, bherilo, onikisi, jasiperi, safira, karibhukulo ni esmeralidha; ndralama a diri iyo sikwinyaro sago, iso si lulamisedwego litshigu u vangidwego.

Ezekiyeli 31:16

Nyi giride mayigo ma ndrendremela khu gudzuma nya gupfhungumudwe gwaye, gikhati nyi mu giridego a relela thowoni gumogo ni avo va relelago phalani nya vafi. Khavbo avbo, misimbo yatshavbo ya Edheni, iyo yi mburidego ngudzu ya Libhanoni, ni misimbo yatshavbo yi selago mati, yi diya tangala guetani nya mafu.

Ezekiyeli 31:18

Uwe gasi gu fanana ni mani khu wuzundzo ni wugulu vbakari nya misimbo ya Edheni, na? Khu guralo, u na relela gumogo ni misimbo ya Edheni guetani nya mafu; vbakari nya avo nyamba hana wugwera, u na mbemba gumogo ni vale va songetedwego khu matshari. Wonani oyu khu Faro gumogo ni gidzemo gyaye gyatshavbo, a ngu ganela Pfhumu Nungungulu.

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.