Genesi 19:3 - Bhibhiliya Nya Guage

³ Aholu Loti a di va gurumedza kala avo va dzumela gu bela nyumbani gwaye. A di va dongisela guhodza, a va girela sibaba nyambana mela, va hodza.

Genesi 19:3 Iomraidhean Croise

Genesi 19:2

A di ganela, khuye: “Nyi ngu mi lombani dzipfhumu dzangu! Belani nyumbani ga githumi gyanu, nyi na mu handza mawundru gasi mu hefemule wutshigu wowu; mindru mu na vindrugela gu bela ndzilani gwanu.” Aholu avo va di hakha, khavo: “Ahihi. Ethu ha gu vbweta gu khala vbavbandze.”

Genesi 21:8

Gyanana gi di dandra gi lumudwa. Abrahama a di gira buzo nya wukhongolo ngudzu litshigu a nga lumudwago Isaki.

Genesi 24:31

A di mu embela, khuye: Delu nya gukatege wa Pfhumu Nungungulu, khu ginani u khalago vbavbandze yoyo? Eni nyi dongisede nyumba ni wulanga nya dzingameriya.”

Genesi 26:30

Khavbo avbo, Isaki a di mu girela buzo, va di hodza va sela.

2 Dzipfhumu 4:8

Tshigu mwedo, Elizewu a di vbindra khu Sunemi, iyo gu nga bani na gu khala nyamayi moyo nya gitetema, a nga bani a mu guruvedza guya hodza guhodza gwaye; gikhati gyatshavbo a nga bani na gu vbindra khu vbale, a diya hodza guhodza gwaye.

Ekisodha 12:15

Mu na vbedza livbandre na mavili matshigu na mu gu hodza sibaba nyambana mela. Gukhugela litshigu nya guphele, mu na dusani mela watshavbo dzinyumbani gwanu, kholu muthu watshavbo a na hodzago gibaba nya guthedwe mela, ndrani nya matshigu yatshavbo yaya nya livbandre na mavili, gukhugela litshigu nya guphele kala litshigu nya guhegise, muthu yoyo, a na fuviswe a si lumbi gambe vathu va na Israyeli.

Ekisodha 12:39

Va di phula sibaba nya wuguvbi wu nga bani wu sugidwe nyamba thedwa mela, va nga rwalago gukhugela Egipito. Kha va thela mela kholu va nga duga khu guvbiredza khu gu tutumiswa tigoni ga Egipito, nyamba mana ni gikhati nya gudongisele dzimbuva nya ndzila.

Luka 11:8

Dzitini nya gukhenu, ambari na si dzini gu wuga a mu ninga sibaba khu kotani nya wupari wawe, a na kala a wuga khu kotani nya gupwe gugoroswa khuye, a mu ninga satshavbo a si nago.

Luka 14:23

Khavbo avbo, a di embela githumi gyaye, khuye: ‘Indra dzindzilani ni sindzilanani, u gimbila u rana vatshavbo va ta bela, mwendro nyumba yangu yi na tala.

Luka 5:29

Khavbo avbo, Levhi a di rana Jesu ndrangani gwaye, a gu mu girela buzo nya khongolo. Vbamezatunu va diromo vambe vahengisi nya khupho nya vangi ni vambe vathu.

Johane 12:2

Va di mu girela guhodza. Lazaro a di romo nuye vbamezatunu ni Jesu, gasi Marta a diri uye muphameli wakone.

1 Vakorinto 5:8

Khavbo avbo, hongoleni hi gire buzo yoyu, nasiri khu mela wa gale, nasiri khu mela nya livengo ni guvivba, aholu khu mela nya ndruda ni lisine.

2 Vakorinto 5:14

Kholu lihaladzo la Kristo li ngu hi gurumedza, ha gu alakanya gukhethu muthu moyo basi a di fela vathu vatshavbo, khavbo avbo vatshavbo va fude naye.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.

Valamuli 6:19

Gidhiyoni a di hongola gaya aya dongisela phongo ni sibaba nyambana mela nya gugirwe khu efa nya wuguvbi; nyama a di yi thela gitundruni, muro a wu thela gikalangoni; a si resa vbavbatshi nya simbo nya khongolo a ta si bikela mbeli gwaye.

1 Samuweli 28:24

Nyamayi a diri ni gimombyana nya gunone; a di gi songa a gi vbiredzisela a suga wuguvbi, a gi phula ni sibaba nyambana mela.