Genesi 19:16 - Bhibhiliya Nya Guage

¹⁶ Kha nga a nga bani a gu kanakana, dzingilozi dzi di mu phara khu mandza, uye gumogo ni mwangadzi waye ni sanana saye sa sivili nya sagadzyana, khu kotani nya gisiro Pfhumu Nungungulu a gu nagyo khu uye. Dzi di mu dusa, dzi ya mu vega vbavbandze nya lidhoropa.

Genesi 19:16 Iomraidhean Croise

Genesi 19:15

Na wu nga gu khuga Wuronga, dzingilozi dzi di gurumedza Loti, khidzo: “Khuga! Vbiredza gu dzega mwangadzi wago ni sanana sago si guromo avba, gasi u si mbembi gutsayiswani nya lidhoropa.”

Genesi 43:10

Nari pwani khandri olu hi nga hwela ngudzu, olu nari ha gu wuya nya wuvili!”

1 Dzikoronika 16:34

Bongani Pfhumu Nungungulu, kholu uye khwadi, kholu wuhindzi waye wu ngu simama kala gupindruga.

Dzindzimo 103:13

Kha nga babe a tsetselelago sanana saye, kharato nugo Pfhumu Nungungulu a ngu tsetselela vale va mu ningago githawo.

Dzindzimo 106:1

Dhumisani Pfhumu Nungungulu! Bongani Pfhumu Nungungulu, kholu khwadi, kholu lihaladzo laye khya gupindruga.

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 107:1

Rungudzani Pfhumu Nungungulu kholu khwadi, kholu wuhindzi waye wu ngu simama kala gupindruga.

Dzindzimo 111:4

Giride gukhuye siliwugiso saye si na alakanywe; Pfhumu Nungungulu a na ni wuhindzi gambe tade khu wuwadi.

Dzindzimo 118:1

Aleluya! Bongani Pfhumu Nungungulu kholu khwadi, kholu wuhindzi waye wu ngu simama kala gupindruga.

Dzindzimo 119:60

Nyi ngu vbiredza kha nyi hweli, gu landrisa sileletelo sago.

Dzindzimo 136:1

Aleluya! Bongani Pfhumu Nungungulu kholu khwadi, kholu lihaladzo laye li ngu simama kala gupindruga.

Dzindzimo 32:10

Va nya guvivbedwe khu myonyo va ngu wona sisaniso nya singi, aholu lihaladzo la gu furumedza avo va tumbago Pfhumu Nungungulu.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 33:19

gasi a vbulugisa lufuni mihefemulo yawe, ni gu va vbanyisa gikhatini nya ndzala.

Dzindzimo 34:12

Khu wevbini muthu a vbwetago guvbanya, a golago guvbanya matshigu nya gulaphe gasi gu wona silo nya gutsakise?

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Mitengo 14:18

Eni Pfhumu Nungungulu nyi ngu hwela gu goroga, Nyi na ni wuhindzi ni gu divalela; nyi tsetselelago milandru ni sighoho; gambe kha nyi digi gu tsayisa avo va ghohidego, nyi ngu tsayisa sanana khu sighoho sa vavelegi, kala gitugulwana nya wuraru nigyo nya wu na.

Luka 18:13

Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Johane 6:44

Mwalo a dzi kodzago guta gwangu, a gumba ranwa khu Babe a nyi rumedego; uyoyo nyi na mu wusa litshigu nya mahegiso.

Varoma 9:18

Khu kharato, Nungungulu a gu girela wuhindzi oyu a dzinago gu mu girela, a gu vivbisa monyo wa oyu a dzinago gu mu vivbisela.

2 Vakorinto 1:3

A na rungudzwe Nungungulu Babe wa Pfhumu yathu Jesu Kristo, Babe nya wuhindzi, Nungungulu nya guthavelele gwatshavbo,

Dhewuteronome 4:31

khu guralo, Pfhumu Nungungulu wago, a gu Nungungulu nya wuhindzi, kha na diga gu gu tangadzisa, kha na gu mbembisa, gambe Uye kha na divala gidzumeledzwano a sambanyidego ga vababe vago.

Dhewuteronome 5:15

Dundruga gukhuwe uwe nuwe u diri khumbi tigoni ga Egipito, aholu Pfhumu Nungungulu wago, a gu duside khu mule khu gyandza nya tshivba ni libogo nya gulaphe; khigyo givangelo gi girago Pfhumu Nungungulu wago, a gu ninga nayo nya guvegise gu vegisa litshigu nya Sabhadho.

Dhewuteronome 6:21

Khavbo avbo, u na embela gyanana gyago, khuwe: Hi diri dzikhumbi dza Faro, tigoni ga Egipito; aholu Pfhumu Nungungulu, a di hi dusa khiyoyo khu libogo laye nya tshivba.

Dhewuteronome 7:8

Aholu Pfhumu Nungungulu a di gira esi khu gu mi gola, ni gu vbweta gu tadzisa gisambanyo a giridego ni vababe vanu, Pfhumu Nungungulu a mi dusideni khu libogo nya tshivba, a gu mi tshudzisa nyumbani nya wugumbi, mandzani ga Faro, mufumeli wa Egipito.

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

Josuwa 6:22

Khavbo avbo, Josuwa a di embela vama va vavili va nga bani va dzude va ta holelela litigo, khuye: “Indrani nyumbani ga Rahabhi, nya gibhayi, mu ya mu dusa ni satshavbo si mu lumbago, kha nga edzi mu mu tumbisidego khidzo.”

2 Pedro 2:7

Uye a di vbanyisa Loti, muthu nya wadi a nga bani a gu garadzega, kholu a di guti guvbanya nya vathu vale nya guvivbe.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.