Genesi 19:14 - Bhibhiliya Nya Guage

¹⁴ Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

Genesi 19:14 Iomraidhean Croise

Genesi 19:15

Na wu nga gu khuga Wuronga, dzingilozi dzi di gurumedza Loti, khidzo: “Khuga! Vbiredza gu dzega mwangadzi wago ni sanana sago si guromo avba, gasi u si mbembi gutsayiswani nya lidhoropa.”

Genesi 19:17

Na dzi gu mu dusa vbavbandze, dzi di mu embela, khidzo: “Vbanyisa womi wago! U nga khedzisi hwane gwago, gambe u nga emi wulanga panini, thavela gigomoni gasi u si mbembi!”

Genesi 19:22

Olu, vbiredza gu thavela iyo, kholu kha nyi dzi kodzi gu gira gilo uwe nu si gu vbohi iyoyo.” Khidzo kharato lidhoropa lolo li nga ranwago khu lina nya gupwani Zowari.

2 Dzikoronika 30:10

Myango yi di phalalega khu lidhoropa ni lidhoropa, tigoni ga Efrayimi ni ga Manasi kala Zabhuloni; aholu va di va hega ni gu va tsoredzela.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Ekisodha 12:31

Khu guralo, na gu ngari wutshigu, Faro a di rana Mosi ni Aroni a va embela, khuye: “Vbiredzani mu duga vbakari nya vathu vangu, enu ni sanana sa Israyeli; Indrani mu ya khozela Pfhumu Nungungulu kha nga gu lomba gwanu.

Ekisodha 9:21

Aholu uye a ngamba khathala khu lito la Pfhumu Nungungulu monyoni gwaye, a di diga sithumi ni mitshambi yaye vbavbandze.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 28:22

Olu, digani gu hembulula, gasi mu si hungwi khu makhetshe nya guvbindre pimo; kholu nyi pwide khu ga Pfhumu Nungungulu nya Tshivba Yatshavbo, na gu ganedwa khu gumbembiswa litigo, gumbembiswa gogu, gu tiyide, gu na girega tigoni gwatshavbo.

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 43:1

Avbo Jeremiya a nga vbedzago gu embela vathu vatshavbo magana yatshavbo a nga leletedwago khu Pfhumu Nungungulu waye, ayo Pfhumu Nungungulu waye a nga mu rumelago guta va tivisa,

Jeremiya 43:2

Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Ezekiyeli 20:49

Khavbo avbo, eni nyi di, kheni: “Oh! Mune Pfhumu Nungungulu! Vathu vava vari, khavo: Ina muthu yoyu khandri muganeli nya sipimaniso, gani?”

Mitengo 16:21

“Ndreyani vbakari nya tshangano yoyo, kholu nya gu vbweta gu va mbembisa khu gikhati nya gidugwana.”

Mitengo 16:26

A di embela tshangano, khuye: “Ndreyani mitshatshani nya vathu vava nya guvivbedwe khu myonyo, mu nga khumbi ni gimwegyo gi va lumbago, mu nga mbembiswa khu kotani nya sighoho sawe.”

Mitengo 16:45

“Khugani khu vbakari nya tshangano yoyo, kholu nya gu vbweta gu va mbembisa kamwe olu.” Khavbo avbo va di thega va tsitsa khu dzikhovbe mafuni.

Matewu 1:18

Guvelegwa ga Jesu Kristo gu di girega, kharati: Mariya mayi waye, a nga bani a tumbisidwe khu Josefe, a di khura mimba khu tshivba nya Liphuvbo nya Guage, nasi gu tshangani ni mwama waye.

Matewu 9:24

“Dugani, kholu nyamahegyane kha fa gilo, a di lala.” Aholu avo va di mu hega.

Luka 24:11

Aholu vapostoli kha va nga khodwa khu magana yawe, va di ma wona kha nga milotelote.

Luka 9:42

Na gi hidzimela ga Jesu, gikhwathana gi di dugedwa khu liphuvbo nya guvivbe, li nga gi dzudza khu tshivba ni tshivba, li gi thesa vbavbatshi. Aholu Jesu a di li kawuka, a gu hawulugisa gikhwathana, a gi ningela ga babe waye.

Mithumo 17:32

Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.