Genesi 18:6 - Bhibhiliya Nya Guage

⁶ Abrahama a di vbiredza gu bela tshatshani gwaye aya ganela ni Sara, a mu embela, khuye: “Vbiredza u baga sipimo siraru nya wuguvbi u suga u gira sibaba.”

Genesi 18:6 Iomraidhean Croise

Genesi 18:5

Nyi naya dzega gibaba gidugwana, gasi mu kodze gu mana tshivba nya gugimbile ndzila yanu nya gulaphe, kholu mu vbindride khu ga githumi gyanu.” Madhota ma di hakha, khayo: “Gira kha nga idzo u ganedego.”

Genesi 18:7

Abrahama a di tutuma a hongola phandroni aya hatha gimombyana nya gyadi nya guene a ninga githumi a gi dongisela khu guvbiredza.

Genesi 19:3

Aholu Loti a di va gurumedza kala avo va dzumela gu bela nyumbani gwaye. A di va dongisela guhodza, a va girela sibaba nyambana mela, va hodza.

2 Samuweli 13:6

Khu guralo, Amoni a di lala, a pembeledzela gukhwatshi a gu dwala; avbo mufumeli a ngatago guta mu wusela, Amoni a di embela mufumeli, khuye: “Nya gu gu lomba gukheni ndriyangu Tamari, ata nyi phulela sibaba sivili na nyi gu mu wona gasi nyi si hodza khu mandzani gwaye.”

Dzindzimo 119:60

Nyi ngu vbiredza kha nyi hweli, gu landrisa sileletelo sago.

Isaya 32:8

Aholu muthu nya guthavisege, a gu gira makungo nya guthavisege, khu kotani nya mithumo yaye nya guthavisege, a manega na tiyide.

Matewu 13:33

Jesu a di va ninga gambe gimbe gipimaniso, khuye: “Mufumo wa Ndzadzini wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

Varoma 12:13

Kabanani esi mu gu naso ni vandruye vale va gu mwalo gilo; hakhani gwadi vaendri.

Vagalatiya 5:13

Gasi enu vandruye, mu ranedwe guvbanya na mu tshulegide. Aholu mu nga dzegi gutshulega gwanu mu gu gira ndzila nya gutsakise gunavela nya tumbunugo nya wuthu; thumelanani khu lihaladzo.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.

1 Pedro 4:9

Hakhani gwadi vapfhumba, nyamba garadzega.

Valamuli 6:19

Gidhiyoni a di hongola gaya aya dongisela phongo ni sibaba nyambana mela nya gugirwe khu efa nya wuguvbi; nyama a di yi thela gitundruni, muro a wu thela gikalangoni; a si resa vbavbatshi nya simbo nya khongolo a ta si bikela mbeli gwaye.

1 Samuweli 28:24

Nyamayi a diri ni gimombyana nya gunone; a di gi songa a gi vbiredzisela a suga wuguvbi, a gi phula ni sibaba nyambana mela.