Genesi 18:5 - Bhibhiliya Nya Guage

⁵ Nyi naya dzega gibaba gidugwana, gasi mu kodze gu mana tshivba nya gugimbile ndzila yanu nya gulaphe, kholu mu vbindride khu ga githumi gyanu.” Madhota ma di hakha, khayo: “Gira kha nga idzo u ganedego.”

Genesi 18:5 Iomraidhean Croise

Genesi 18:6

Abrahama a di vbiredza gu bela tshatshani gwaye aya ganela ni Sara, a mu embela, khuye: “Vbiredza u baga sipimo siraru nya wuguvbi u suga u gira sibaba.”

Genesi 19:8

Upwani: Nyi na ni sanana sivili nya sagadzyana si ngarigo makendzi, nyi na mi ninga avo mu gira guhaladza gwanu, aholu mu nga girini guvivba ga vama vava kholu va hakhidwe ndrangani gwangu.”

Genesi 33:10

Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya.

1 Dzipfhumu 17:11

Na nga gu hongola aya rega mati, muprofeti a di mu rana a mu embela, khuye: “Gira wuhindzi u nyi resela gambe ni gipandre nya gibaba khu mandzani gwago.”

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Isaya 3:1

Kholu, wonani nya gukhenu: Mune, Pfhumu Nungungulu Nya Tshivba Yatshavbo, a na wandrela Jerusalema ni Judha iso si va vbanyisago ni siseketelo satshavbo, a na va dzegela guhodza gwawe gwatshavbo ni mati nya gusele.

Matewu 6:11

Guhodza gwathu nya litshigu ni litshigu hivbe muhuno.

Valamuli 13:15

Khavbo avbo, Manowa a di embela Ngilozi ya Pfhumu Nungungulu, khuye: “Ha gu lomba gukhethu u lindrele vbadugwana, hi gu dongisela giphongwana.”

Valamuli 13:16

Aholu Ngilozi ya Pfhumu Nungungulu yi di embela Manowa, khiyo: “Ambari wa gu nyi emisa, kha nyi na hodza guhodza gwago, gira phaso nya guvbiswe, u ningela Pfhumu Nungungulu.” Kholu Manowa a di si muti nya gukhuye, uye Ngilozi ya Pfhumu Nungungulu.

Valamuli 19:5

Khu litshigu nya wu na, na gu ngari dzimindru, Mulevhi a di wuga gasi gu dongisela guhongola; khavbo avbo, babe wa nyamayana a di embela mwane waye, khuye: “Tiyisa monyo wago khu gipandre nya gibaba, khu hwane mu na hongola.”

Valamuli 6:18

Nyi ngu gu lomba gukheni u nga hongoli, kala nyi wuya nyi gu resela ningelo wangu gasi nyi ta wu vega mbeli gwago.”

Valamuli 6:19

Gidhiyoni a di hongola gaya aya dongisela phongo ni sibaba nyambana mela nya gugirwe khu efa nya wuguvbi; nyama a di yi thela gitundruni, muro a wu thela gikalangoni; a si resa vbavbatshi nya simbo nya khongolo a ta si bikela mbeli gwaye.