Genesi 18:26 - Bhibhiliya Nya Guage

²⁶ Pfhumu Nungungulu a di mu hakha, khuye: “Nya guya mana vathu nya livbandre magumi nya gululame dhoropani ga Sodhoma, nyi na tsetselela litigo latshavbo khu kotani yawe.”

Genesi 18:26 Iomraidhean Croise

Genesi 18:17

Pfhumu Nungungulu a di ganela khu monyoni gwaye, khuye: “Nyi na sihela Abrahama esi nyi vbwetago guya gira, gani?

Isaya 10:22

Kholu, ambari vathu vago, uwe Israyeli, va tadego gu fanana ni fungu wa phwani, gu na wuya basi mitshaledwa yidugwana yi na vbindrugedzago mavbanyelo; kholu gumbembiswa gwawe gu tiyisidwe, gu tade khu gululama.

Isaya 19:24

Ga litshigu lolo, Israyeli a na khala nya wuraru gumogo ni Egipito ni Asiriya, gasi a khala gikategiso vbakari nya mafu;

Isaya 6:13

Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”

Isaya 65:8

Pfhumu Nungungulu a ngu ganela kharati, khuye: “Gwa gu bani gu ngari ni dosi gitsatsani nya dziuvha, vathu vari, khavo: Mu nga gi pili kholu gu nga guromo silo nya sadi, kharati nyi na gira khu kotani nya lihaladzo nyi gu nalo ni sithumi sangu; kha nyi na va mbembisa vatshavbo.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Ezekiyeli 22:30

“Nyi vbwetide vbakari gwawe mwama moyo a nga vbahago mabhiyo, a nga emago a tiya mbeli gwangu a vhikela litigo leli, gasi nyi si li khungumuli, aholu kha nya mana ni moyo.

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.