Genesi 18:25 - Bhibhiliya Nya Guage

²⁵ Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Genesi 18:25 Iomraidhean Croise

Genesi 18:24

A gu dzina saye vomo livbandre magumi vathu nya gululame dhoropani. U na va mbembisa kamwe, gani? Kha wu na tsetselela litigo lolo khu kotani nya avo nya livbandre magumi vathu nya gululame va vbanyago umo, gani?

1 Dzikoronika 16:33

Misimbo ya khabini yi na embelele khu gutsaka mbeli ga Pfhumu Nungungulu, kholu, a nguta guta lamula litigo.

2 Dzikoronika 19:7

Khu guralo, thavani Pfhumu Nungungulu, mu dzi wonela mithumoni gwanu gwatshavbo, kholu ga Pfhumu Nungungulu wathu, gumwalo gu kanganyisa khu gukhedza giemo nya muthu ambari gu rengeledwa.

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Joba 34:10

Khu kharato, nyi yingiseni enu vathu mu pwisisago; Nungungulu kha tshuki a gira ugo guvivbidego, mwendro Nyadzitshivbe gu gira sighoho.

Joba 34:12

Lisine limwedo, kheli: Nungungulu gima kha giri guvivba, ambari Uye nya Tshivba Yatshavbo kha tshuki a hambana ni lisine.

Joba 8:20

Kholu Nungungulu kha dzudzugi muthu nya gululame, ambari gutiyisa mandza ya vathu nya guvivbedwe khu monyo.

Joba 8:3

Ina Nungungulu a ngu dzi kodza gu vbindrugedza lisine, gani? Nyadzitshivbe, a ngu kodza gu hambana ni gululama, gani?

Dzindzimo 50:6

Ndzadzini gu na tivisa gululama gwaye, kholu khuye mune Nungungulu a lamulago.

Dzindzimo 58:11

Vatshavbo va na, khavo: “Bayi furi! Muthu nya gululame a ngu tshatshazedwa! Khu lisine, womo Nungungulu a lamulago litigo!”

Dzindzimo 7:12

Muthu nya guvivbedwe khu monyo a gumba vbindrugedza mavbanyelo, Nungungulu a na lodza litshari laye, a ghwimba wulaho a seketela gasi gu rinya sighalala.

Dzindzimo 75:3

Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Dzindzimo 94:2

Uwe u gu mulamuli nya litigo; khuga u ninga va nya matshandza tshatshazelo va fanedego gu yi hakha!

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Muhevbudzi 3:17

Khu guralo, nyi di pimisa nyabune, kheni: “Nungungulu a na lamula muthu nya gululame gumogo ni gighohi, kholu vegide gikhati gimwegyo nya gilo ni gilo, ni gikhati nya thumo watshavbo.”

Muhevbudzi 7:15

Ga matshigu nyamba nyawula nya guvbanye gwangu, nyi di wona esi: Muthu nya gululame a di vbiredzela gufa ni gululama gwaye, aholu muthu nya guvivbedwe khu monyo, a di vbanya matshigu nya gutale ni monyo waye nya guvivbe.

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Ezekiyeli 18:25

Khu guralo, enu mwa gu ganela, khenu: “Ndzila ya Pfhumu kha ya lulama.” Yingisa, uwe ndranga ya Israyeli. Ina ndzila yangu kha ya lulama, gani? Khandri dzindzila dzanu dzi ngamba lulama, gani?

Malakiya 3:18

Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Dhewuteronome 1:16

Khu gikhati gya gimwegyo, nyi leletede valamuli vanu, nyi va embela, kheni: Upwani mahungu ya vandriyanu, mu va lamula khu gululama vbakari ga muthu ni ndriyaye mwendro muluveli a vbanyago naye.

Dhewuteronome 1:17

Mu nga lamuli khu gihathela, yingisani uye nya dugwana kha nga uye nya khongolo; mu nga thavi khovbe ya muthu, kholu gulamula khwa Nungungulu; aholu mahungu ma na gu mu garadzelago ma reseni eno gwangu, eni nyi nata ma yingisa.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.

Valamuli 11:27

“Eni kha nya gu ghohela ni vbadugwana, aholu uwe u ngu gira gighoho khu gu nyi dwanisa; Pfhumu Nungungulu a gu mulamuli, a na lamule muhuno vbakari ga va na Israyeli ni va na Amoni.”