Genesi 18:19 - Bhibhiliya Nya Guage

¹⁹ Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Genesi 18:19 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Genesi 17:9

Nungungulu a di embela Abrahama, khuye: “Khu guralo, uwe u na sayisa gidzumeledzwano gyangu, uwe ni situgulwana sago nya mimelana yi nga gutago.

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

2 Samuweli 22:22

kholu nyi landriside dzindzila dza Pfhumu Nungungulu, gima kha nya wugela Nungungulu wangu.

2 Samuweli 7:20

Olu Dhavhidhe ginani a na engedzelago gambe gu ganela avbo gwago? Kholu Uwe Pfhumu Nungungulu u ngu giti githumi gyago.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 14:3

Kholu a di fuvisa siluvelo nya vanungungulu nya malipha, ni malangani nya sigomo, a khungumulela madingo, a pandrelela gifananiso gya nungungulu Asitaroti.

Nehemiya 9:7

Khuwe, Pfhumu Nungungulu, U hathidego Abrama, U mu dusidego khu tigoni ga Uri, ga Vakalidhiya, U mu ninga lina la Abrahama.

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 34:15

Maho ya Pfhumu Nungungulu ma gu khedzisela avo va lulamidego; dzindzeve dzaye dza gu yingisela gulila gwawe.

Mavingu 22:6

Hevbudza gyanana ndzila gi yelago gu yi landra, kholu, ambari gya gu gumba, gima kha gi na hambana nayo.

Isaya 38:19

Avo va vbanyago, khavo basi va na gu rungudzago, kha nga iso nyi girago eni muhuno; vavelegi va na hevbudze sanana sawe gutumbega gwago.

Levhi 14:42

Wulangani nya siwindri sile si nga dusedwago, va na tshomegedzela simbe siwindri, va londredza nyaluphye nyumba khu limbe libumba.

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Matewu 25:17

Wule a nga tshiyedzwago dzitaleta dzimbili a di dzi velegisa nuye dzimbe dzimbili.

Johane 10:14

Eni nyi muhavisi nya wadi. Nyi ngu dziti dzinvuta dzangu; ni idzo dzi ngu nyiti.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Mithumo 27:31

Pawulo a di embela muthangeli nya masotshwa ni masotshwa, khuye: “Mwa gu diga vamarinyero va thava, mu tandregide! Kha mu na vbuluga.”

Vaefeso 6:4

A nenu vavelegi, mu nga goroseli sanana, aholu si dandriseni khu gu si hevbudza mavbanyelo nya ndruda ni githawo, kha nga guruma ga Pfhumu.

Dhewuteronome 32:46

a di va embela, khuye: Vegedzani myonyoni gwanu magana yatshavbo yaya nyi mi fakazelago muhuno; mu na leletelani sanana sanu gasi si dzi wonele khu gu vegedza magana yatshavbo nya Nayo yoyu.

1 Thimoti 3:12

Mudhiyakoni, gu vbwetega oyu a gu ni nyamayi moyo basi, a gu babe a dzi kodzago gu sayisa sanana saye ni ndranga yaye.

2 Thimoti 1:5

Nyi ngu dundruga gwadi gukhodwa gwago nyamba sengedzela, gu khade nga ogu a nga bani ari nago guhegula kokwe wago Loyidhe ni mayi vago Ewunise. Nyi ngu ganela khu lisine kheni khugosaye gukhodwa u gu nago uwe.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

2 Thimoti 3:15

Gukhugela wanana wago, u ngu yi pima gwadi Milowo nya Guage. Iyo yi na ni tshivba nya gu gu ninge guti gu yisago guvbanyiswani khu gukhodwa ga Kristo Jesu.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Valamuli 13:12

Khavbo avbo, Manowa a di mu wudzisa, khuye: “Magana yago ma gu tadzisega, khu mevbini mavbanyelo ni thumo hi yelago guvbanya khidzo ni gyanana?”