Genesi 18:14 - Bhibhiliya Nya Guage

¹⁴ Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

Genesi 18:14 Iomraidhean Croise

Genesi 17:16

Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 17:21

Aholu gidzumeledzwano gyangu nyi na hunga ni Isaki a na velegwago khu Sara mwaga wutago, khu matshigu nya nga aya.”

Genesi 18:10

Moyo nya avo a di engedza, khuye: “Mwakani, nyi na wuya gambe ndrangani gwago, mwangadzi wago Sara a na bani nari ni gyanana.” Sara a di yingisela satshavbo, khu hwane nya lidimba nya tshatsha.

Genesi 18:13

Aholu Pfhumu Nungungulu a di embela Abrahama, khuye: Khu ginani Sara a hegago, a ganela, khuye: “Ina lisine, nyi na dzi kodza kamwe gu velega gyanana, olu nyi gumbidego, gani?”

Genesi 18:15

Sara a di ganedza, khuye: “Eni kha nya hega.” A di ganela kharato kholu a di tade khu hwanga; aholu uye a di mu hakha, khuye: “Khidzo, u hegide.”

Genesi 21:1

Pfhumu Nungungulu a di ta holela Sara, kha nga a nga ganelago, gambe a mu girede esi a nga mu tumbisago.

Genesi 21:2

Sara a di khura mimba a velega gyanana nya gikhwathana ga Abrahama a nga bani a gumbide, matshiguni yale Nungungulu a nga bani na ma vegiside.

2 Dzipfhumu 4:16

Elizewu a di mu embela, khuye: “Khu mwaga wutago khu gikhati nya nga egi, u na bani u wugarela gyanana.” Nyamayi a di hakha, khuye: “U nga ganeli kharato mune wangu, muthu wa Nungungulu, u nga lipheli githumi gyago.”

Joba 36:5

Khedza gukhuwe Nungungulu khongolo ngudzu; gambe kha nyenyi muthu; khongolo khu tshivba nya guti.

Joba 42:2

“Nyi ngu dziti gwadi gukheni khu padwi khu gilo, ni gimwegyo nya makungo yago kha gi thindrekiswi.

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Dzindzimo 93:1

Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 32:27

“Wona nya gukhuwe Eni Pfhumu Nungungulu nya vathu vatshavbo; ina gyomo gilo nyi tandrwago khigyo gu gira, gani?”

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Zakariya 8:6

Pfhumu Nungungulu nya Tshivba Yatshavbo, a ngu ganela kharati, khuye: “Silo sesi a gu bani nari sa gusamadzisa guwonani ga mitshaledwa nya vathu vava khu matshigu yoyo, si na khala gambe gisamadziso mahoni gwangu, gani?” A ngu ganela Pfhumu Nungungulu nya Tshivba Yatshavbo.

Mitengo 11:23

Khu guralo, Pfhumu Nungungulu a di phindrula Mosi, khuye: “Ina tshivba ya Pfhumu Nungungulu yi di vbunguga, gani? Olu u na wona wabune gukhuwe esi nyi gu embelago si na girega mwendro kha si na girega.”

Matewu 14:31

Khavbo avbo, Jesu a di mu phara khu libogo, a mu embela, khuye: “Muthu nya gukhodwe vbadugwana, khu ginani u nga kanakanago?”

Matewu 19:26

Jesu a di khedzisa gwadi vatshavbo, a va embela, khuye: “Ga vathu kha si kodzegi, aholu ga Nungungulu satshavbo si ngu kodzega.”

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

Marko 10:27

Khavbo avbo, Jesu a di va khedzisa a gu va hakha, khuye: “Ga vathu kha si kodzegi, aholu ga Nungungulu si ngu kodzega, kholu, gwaye gimwalo gi si kodzegigo.”

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:18

Zakariya a di phindrula ngilozi, khuye: “Gu na girega kharini kharato, olu hi gumbidego, eni ni mwangadzi wangu?”

Luka 1:37

kholu ga Nungungulu gi mwalo gi si kodzegigo.”

Luka 8:50

Aholu Jesu, na pwide satshavbo, a di mu embela, khuye: “U nga thavi, khodwa basi; mwanago a na vbanya.”

Varoma 4:21

A di khodwa ni gu tumba gukhuye Nungungulu a na ni tshivba nya gutadzise gisambanyo gyaye.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Vahebheru 11:19

Abrahama a di khodwa gukhuye Nungungulu a na dzi kodza gu wusa Isaki khu ga vafudego. Hi na khethu Abrahama hakhide nyaluphye Isaki a nga wuswa khu ga vafudego.

Valamuli 13:3

Ngilozi ya Pfhumu Nungungulu yi di wonega ga nyamayi yoyu, yi mu embela, khiyo: “Nyi ngu gu wona gukheni u gyumba gima u si gu khuri mimba; gasi olu u na khura mimba u velega gyanana nya gikhwathana.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”