Genesi 17:8 - Bhibhiliya Nya Guage

⁸ Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 17:8 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 13:17

Olu dzuwulugela u wona litigo leli khu maphuvbo yatshavbo, kholu nyi na gu ninga li khala lago.”

Genesi 23:4

“Eni nyi muwuyi ni pfhumba vbakari gwanu; nyi dzumeleni nyi renga wulanga wangu tigoni gwanu, gasi nyi gira lithowo nyi kodza gu dzinga mwangadzi wangu.”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 28:4

A na gu kategise uwe gumogo ni livelego lago, kha nga gikategiso gya Abrahama, gasi u fela gu hodza thomba nya litigo u luvelago umo, eli Nungungulu a li ningidego Abrahama.”

Genesi 35:27

Jakobe a di vboha ga babe waye Isaki tigoni gwa Mambre ga Kiriyati-Aribha, a gu Hebroni, a gu iyo va luvedego iyo Abrahama ni Isaki.

Genesi 36:7

Kholu dzithomba dzawe dzi di tade ngudzu, nyamba dzi kodza gu khala dangamwedo, wulanga va nga bani va vbanya avbo wu di si eneli khu kotani nya mitshambi ya avo va vavili.

Genesi 37:1

Jakobe khade tigoni a nga endrela umo babe waye, tigoni ga Khanani.

Genesi 48:4

a nyi embela, khuye: “Nya gu vbweta gukheni u dandre u ninge mihandro; nyi na gu vbindrugedza nyi gu gira talo nya vathu nya mahundzu, nyi na ninga litigo leli ga sanana nya livelego lago, hwane ga uwe, li khala thomba yawe kala gupindruga.”

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

1 Dzikoronika 16:18

khuye: Nyi na gu ninga litigo la Khanani, li khala gipandre nya thomba yago.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 105:11

Avbo a nga khuye: “Nyi na gu ninga litigo la Khanani, li na lumba uwe kala gupindruga.”

Dzindzimo 105:9

A na tadzisa pwanano a hungidego ni Abrahama, ni gitumbiso a sambanyidego ga Isaki.

Ekisodha 13:11

Gikhati Pfhumu Nungungulu a na gu bedzago tigoni ga Vakhanani, kha nga a sambanyidego gwago ni ga vababe vago, gu gu ninga li khala lago,

Ekisodha 21:6

Khu guralo, mune waye a na yi resa mbeli ga Nungungulu, a yi hidzimisa vbafuvbi ni lidimba mwendro avbo nya hasimo; khavbo avbo, mune waye a na yi pola ndzeve khu ndrombo Khumbi yeyi yi na mu thumela kala gupindruga.

Ekisodha 29:45

Nyi na vbanya vbakari nya sanana sa Israyeli, nyi na bani nyiri Nungungulu wawe.

Ekisodha 32:13

Dundruga Abrahama, Isaki ni Jakobe, sithumi sago, u nga va sambanyelago khu Lina lago, khuwe: Livelego lanu li na tala li andra gu fanana ni dzinyeledzi dza ndzadzini, nyi na ninga sanana sanu litigo leli nyi nga mi embelani, li khala thomba yanu kala gupindruga.”

Ekisodha 40:15

U na si todza nga idzo u nga todzago khidzo babe wawe, gasi va thuma thumo nya wuphasi nya mhamba mbeli gwangu. Gutodzwa gogu gu na va wumbela wuphasi nya mhamba kala gupindruga, ga situgulwana ni situgulwana.

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 31:1

Khu gikhati gile, a ngu ganela Pfhumu Nungungulu, khuye: “Eni nyi na khala Nungungulu nya mahundzu yatshavbo ya na Israyeli, gasi avo va na khala vathu vangu.”

Ezekiyeli 11:20

Satshavbo soso gasi va kodza gu landrisa silayelo sangu ni gu vegisa milayo yangu, va wuya va yi thuma; avo va na khala vathu vangu, Eni nyi na khala Nungungulu wawe.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Levhi 14:34

“Avbo mu na gu belago tigoni ga Khanani, nyi na mi ningago li khala lanu, nya gukala Eni nyi thela sokono ga nyumba nya gukari vbakari gwanu,

Levhi 16:34

Satshavbo sesi si na khala nayo nya gupindruge vbakari gwanu, gasi sanana sa Israyeli si agiswa gumogo khu mwaga, va handzwa sighoho sawe satshavbo.” Uye a di gira satshavbo iso Pfhumu Nungungulu a nga rumago Mosi.

Levhi 26:12

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Mitengo 10:29

Khavbo avbo, Mosi a di embela Obhabhi, mwamana wa Reweli, nya Mumedhiyani, sade wa Mosi, khuye: “Olu ethu hi ngu hongola ga wulanga, Pfhumu Nungungulu a ganedego, khuye: Nyi na mi ningani; hongole hatshavbo hi na ya gu phara gwadi; kholu Pfhumu Nungungulu tumbiside silo nya sadi ga va na Israyeli.”

Mitengo 25:13

Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”

Mitengo 27:12

Pfhumu Nungungulu a di embela Mosi, khuye: “Gwela gigomoni momu ga Abharimi, u khedza litigo nyi ningidego va na Israyeli.

Mithumo 7:5

Nungungulu kha mu ninga ambari gipandre gidugwana nya mafu ya tigoni momu. Aholu a mu tumbiside gu mu ninga latshavbo litigo leli, uye ni sanana saye, ambari ulo a nga bani ari mwalo gyanana.

Dhewuteronome 14:2

Kholu mu vathu va agidego mahoni ga Pfhumu Nungungulu wanu, gambe Pfhumu Nungungulu a mi hathide vbakari nya mayigo yatshavbo ya mafuni, gasi mu khale vathu Vaye.

Dhewuteronome 26:18

Uye, nuye muhuno Pfhumu Nungungulu, tiyiside khuye, enu mu vathu mu lumbago uye basi, Uye a ngu mi ruma gukhuye mu fanede gu sayisa milayo yaye yatshavbo.

Dhewuteronome 29:13

Khandri ni enu basi nyi tiyisago gidzumeledzwano gegi ni gisambanyo gegi,

Dhewuteronome 32:49

“Gwela gigomo gegi gya Abharimi, avbo nya gigomo gya Nebhu, gi guromo tigoni gwa Mowabhi, gi khedzanidego ni Jeriko, u wona litigo la Khanani, nyi ningago sanana sa Israyeli si li fumela.

Dhewuteronome 32:8

Gikhati Uye a Khusegidego ngudzu a nga bani a kabanisela dzithomba mayigo, gikhati a nga bani na kavedzela khu mahundzu sanana sa Adhamu, a di vegedzela mivbingano nya mayigo, gu khedza khu tengo nya sanana sa Israyeli.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

Josuwa 1:2

“Githumi gyangu Mosi gi fude; khu guralo, khuga uwe u tshatuga tsongo wa Joridhani, uwe gumogo ni vathu vatshavbo vava, mu ya bela tigoni nyi ningidego sanana sa Israyeli.

Gutuledwa 21:7

Oyu a na palago a na hakha thomba yeyi, eni nyi na khala Nungungulu waye, ni uye a khala gyanana gyangu.