Genesi 17:7 - Bhibhiliya Nya Guage

⁷ Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 17:7 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 17:13

Gu vbwetega a hana wugwera oyu a velegwago ndrangani ni oyu nya gurengwe khu dzitsapawu dzago. Kharato, gidzumeledzwano gyangu gi na lowa milini gwanu kha nga gidzumeledzwano nya gupindruge.

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 6:18

Aholu, nyi na gira nago pwanano nya gidzumeledzwano. U na bela litaroni uwe ni sanana sago, mwangadzi wago ni vagadzi va sanana sago.

Genesi 9:16

Avbo gialakanyiso gi na gu wonegago mapfhini, eni nyi na khedzisa nyi gu dundruga pwanano yoyu nya gupindruge, nyi wu giridego ni sivangwa satshavbo nya guvbanye mafuni.”

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

1 Dzikoronika 16:13

Enu livelego la Israyeli, githumi gyaye, sanana sa Jakobe, gihathwa gyaye.

1 Dzikoronika 16:14

Uye khuye Pfhumu Nungungulu wathu, gulamula gwaye gomo mafuni gwatshavbo.

Dzindzimo 81:10

Eni kheni Pfhumu Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 61:8

Kholu eni, Pfhumu Nungungulu, nya gu gola gululama, nyi venga wuvafa ni malipha; nyi na va ninga khu gutumbega tshatshazelo yawe, bwelo khavbo nyi hunga navo gidzumeledzwano kala gupindruga.

Jeremiya 31:1

Khu gikhati gile, a ngu ganela Pfhumu Nungungulu, khuye: “Eni nyi na khala Nungungulu nya mahundzu yatshavbo ya na Israyeli, gasi avo va na khala vathu vangu.”

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Levhi 11:45

Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide.

Levhi 25:38

Eni kheni Pfhumu Nungungulu wanu nyi nga mi dusago khu tigoni ga Egipito, gasi guta mi ningani litigo la Khanani, nyi fela gu khala Nungungulu wanu.

Levhi 26:12

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Levhi 26:44

Ambari khu kharato, avbo va nga bani na vari tigoni ga valala vawe, gima kha nya va dzudzuga, ambari gu va diga nya gukala nyi va mbembisa nyi divala gidzumeledzwano nyi giridego navo; kholu Eni kheni Pfhumu Nungungulu wawe.

Levhi 26:45

Khu kotani nya gu va haladze, nyi alakanyide gidzumeledzwano nyi giridego ni vababe vawe, ava nyi va dusidego khu tigoni ga Egipito, mbeli nya mayigo, gasi nyi khala Nungungulu wawe. Eni kheni Pfhumu Nungungulu.”

Levhi 26:9

Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

Marko 10:14

Jesu, na si wone, a di garadzega a va embela, khuye: “Digani sanana sita gwangu. Mu nga si himbedzeli, kholu Mufumo wa Nungungulu wa gu lumba iso.

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Varoma 9:4

Avo sivelegwa sa Israyeli. Nungungulu a va giride sanana saye, a wuya a va kategisa khu gu khala vbakari gwawe ni wudhumo waye; hungide navo gidzumeledzwano, a va ninga Nayo, ni wukhozeli; ni situmbiso.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Dhewuteronome 29:13

Khandri ni enu basi nyi tiyisago gidzumeledzwano gegi ni gisambanyo gegi,

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 8:10

Egi khu gidzumeledzwano nyi na girago ni vathu va na Israyeli, hwane nya matshigu yale, a ngu ganela Pfhumu, khuye: Nyi na thela milayo yangu mapimoni gwawe, nyi yi lova myonyoni gwawe. Eni nyi na khala Nungungulu wawe, avo va na khala vathu vangu.

Valamuli 2:1

Ngilozi ya Pfhumu Nungungulu yi di gwela khu Ghiligali kala Bhokimi yi ya ganela, khiyo: “Nyi mi duside khu tigoni ga Egipito, nyi mi yisani ga litigo nyi mi tumbisidego khu gu sambanyela vababe vanu. Nyi di mi embede, kheni: Gima kha nyi na pfhungumula gidzumeledzwano nyi hungidego nanu kala gupindruga.