Genesi 17:18 - Bhibhiliya Nya Guage

¹⁸ Abrahama a di embela Pfhumu Nungungulu, khuye: “Oh, Nungungulu wangu, a na vbanye Ismayeli mbeli gwago!”

Genesi 17:18 Iomraidhean Croise

Genesi 17:17

Abrahama a di noga a dzi thesa vbavbatshi a hega, kholu a di gu ganela khu monyoni gwaye, khuye: “Ina mwama nya lizana (100) myaga a ngari ni tshivba nya gu dzi kodze guvelega gyanana, gani? Ahati Sara a gu na ni livbandre na mana magumi (90) myaga a na velega gyanana, gani?”

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 21:11

Magana yaya ma di swihadza ngudzu Abrahama kholu Ismayeli nuye a diri gyanana gyaye.

Genesi 4:12

Ambari u lima kharini, mafu kha ma na gu ninga gambe gufuma mihandro khu tshivba yaye. U na penga u legalega ni litigo.”

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

Dzindzimo 4:6

Nya vangi vari, khavo: “Khu mani a na hi nonedzago gutsaka?” Pfhumu Nungungulu, hi wenengedze khu gungangamela nya khovbe yago.

Dzindzimo 41:12

Gasi khu eni, u na nyi vbanyisa wurumba wangu, u nyi sayisa mbeli gwago kala gupindruga.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Jeremiya 32:39

Nyi na va gira va manega ni monyo moyo nya wadi ni gu gimbila khu ndzila mweyo, gasi va nyi ninga githawo gikhati gyatshavbo, gasi va vbanye gwadi avo gumogo ni livelego lawe.

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”