Genesi 17:16 - Bhibhiliya Nya Guage

¹⁶ Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 17:16 Iomraidhean Croise

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 15:4

Pfhumu Nungungulu a di phindrula, khuye: “Khandruye oyu a na gu khalago muhodzi nya thomba yago. Aholu, gyanana gyago nya gu gi velege khigyo gi na gu khalago muhodzi nya thomba yago.”

Genesi 17:15

Nungungulu a di embela Abrahama, khuye: “Gukhugela olu khu na rana gambe mwangadzi wago khuwe khu Sarayi, aholu, u na mu rana khu lina nya gupwani Sara.

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 17:6

Nyi na gu ninga livelego nya lingi; nyi na gu gira u velega mayigo, ga situgulwana sago gu na duga dzipfhumu.

Genesi 21:1

Pfhumu Nungungulu a di ta holela Sara, kha nga a nga ganelago, gambe a mu girede esi a nga mu tumbisago.

Genesi 24:60

Va di kategisa Rebheka, khavo: “Uwe ndriyathu! U na khale melegi wa mazana ni mazana! Sanana sago si na dzege madhoropa ya valala vawe!”

Genesi 25:23

Uye a di mu hakha, khuye: “Ndrani gwago momo mayigo mavili: Mahundzu mavili nya vathu ma na dugago khu ndrani gwago. Lihundzu limwedo li na pala limbe, koma a na thumela nandra.”

Genesi 35:11

A di engedza gambe a mu embela, khuye: Eni kheni Nungungulu nya Tshivba Yatshavbo; uwe u na andra u velegelana, khavbo gwago gu na velegwa dhudhudhu nya mayigo ni vathu nya gutale ngudzu;

Genesi 36:31

Ava khavo vafumeli va nga fumelago tigoni gwa Edhomi, na gu si gu manegi mufumeli nya gufumele sanana sa Israyeli:

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Varoma 9:9

Kholu magana nya gitumbiso khaya: “Mwakani, khu matshigu yaya nyi na wuya, Sare a na bani ari ni gyanana.”

Vagalatiya 4:23

Aholu Gyanana gya nyamayi nya khumbi gi velegidwe khu tshivba nya tumbunugo nya wuthu; gasi egi gya nyamayi nya gutshulege gi velegidwe khu tshivba nya gitumbiso.

1 Pedro 3:6

Khidzo a nga gira Sara; a di yingisa Abrahama, a mu rana khuye pfhumu yaye. Enu mu na khala sanana saye mwa gu girani esi nya sadi nyamba thava gilo.