Genesi 17:12 - Bhibhiliya Nya Guage

¹² Mu na hanisa wugwera sanana sanu satshavbo nya sikhwathana avbo si tshanganisago livbandre na mararu matshigu nya guvelegwe gwawe. Mu na girani kharato vama vatshavbo va na velegwago vbakari gwanu, avo va na velegwago ndrangani, ambari ni valombo gambe mu na gu va rengago khu tengo nya dzitsapawu na siri va lifumbu lanu.

Genesi 17:12 Iomraidhean Croise

Genesi 17:23

Khavbo avbo, Abrahama a di dzega mwanaye Ismayeli, ni vatshavbo va velegedwego ndrangani gwaye, ni vatshavbo a nga va rengago khu dzitsapawu, vama vatshavbo va ndrangani gwaye a gu va hanisa wugwera, litshigu lolo la limwedo, kha nga idzo a nga embedwago khidzo khu Nungungulu.

Genesi 21:4

Abrahama a di hanisa wugwera gyanana gyaye Isaki, gikhati gi nga tshanganisago livbandre na mararu matshigu, kha nga idzo a nga leletedwago khidzo khu Pfhumu Nungungulu.

Ekisodha 12:44

Aholu khumbi yatshavbo yi rengidwego khu dzitsapawu, yi ngu dzi kodza gu yi hodza mwa gu bani mu yi haniside wugwera.

Ekisodha 22:30

U na gira idzosaye ni matiwula nya mombe yago ni dzinvuta dzago. Matiwula ma fanede gu khala livbandre na mavili matshigu ni mayi waye, khu eli nya livbandre na mararu matshigu, mu na ta gira ningelo avbo gwangu.

Levhi 12:3

Khu litshigu nya livbandre na mararu, gyanana gi na haniswa wugwera.

Luka 1:59

Na ma vbindride livbandre na mavili matshigu, khilo nya livbandre na mararu va dita hanisa wugwera gyanana; va di vbweta gu gi ninga lina la Zakariya, babe waye.

Luka 2:21

Na gu vbindride livbandre na mararu matshigu, gasi gu mu hanisa wugwera, va di mu thangisa lina la Jesu, a gu ilo a nga thangiswago khu ngilozi mayi waye na si gu khuri mimba.

Mithumo 7:8

Nungungulu a di hunga pwanano ni Abrahama a gu vega gifungo nya wugwera. Khavbo avbo, Abrahama a di velega Isaki a mu hanisa wugwera, khu litshigu a nga tshanganisago livbandre na mararu matshigu nya guvelegwe gwaye. Isaki nuye a di hanisa wugwera Jakobe, a nuye Jakobe a gu hanisa sanana saye nya likhumi na sivili, a gu avo likhumi na vavili va nyapandre vathu.”

Varoma 2:28

Kholu khandri Mujudha nya lisine wule a yeyedzago wujudha waye khu vbavbandze basi, kha nga gambe, wugwera nya lisine khandri wule wu wonegago givilini basi.

Vafilipi 3:5

Kholu eni nyi hanide wugwera khu litshigu nya livbandre na mararu nya guvelegwe gwangu; nyi Mujudha nya mavelego nya lihundzu la Bhejami; nyi gyanana nya Vahebheru. Ha gu khedza khu gulandra Nayo, eni nyi diri Mufarisi;