Genesi 17:10 - Bhibhiliya Nya Guage

¹⁰ Owu khu pwanano nyi wu girago nanu, ni situgulwana sago, gu vbwetega mu wu sayisa; mwama watshavbo vbakari gwanu a na hane wugwera.

Genesi 17:10 Iomraidhean Croise

Genesi 17:11

Mu na pilani misutu kha nga giwonegiso nya pwanano wangu nanu.

Genesi 17:23

Khavbo avbo, Abrahama a di dzega mwanaye Ismayeli, ni vatshavbo va velegedwego ndrangani gwaye, ni vatshavbo a nga va rengago khu dzitsapawu, vama vatshavbo va ndrangani gwaye a gu va hanisa wugwera, litshigu lolo la limwedo, kha nga idzo a nga embedwago khidzo khu Nungungulu.

Genesi 17:27

ni vama vatshavbo va ndrangani gwaye, ni sanana sa ndrangani ni esi nya gurengwe khu dzitsapawu ga va nya mayigo; vatshavbo va di hana wugwera gumogo naye.

Genesi 21:4

Abrahama a di hanisa wugwera gyanana gyaye Isaki, gikhati gi nga tshanganisago livbandre na mararu matshigu, kha nga idzo a nga leletedwago khidzo khu Pfhumu Nungungulu.

Genesi 34:15

Ethu hi na dzumela basi gupwanana nanu, mwa gu dzumela gu girani kha nga ethu, mu hanisa wugwera vama vatshavbo va guromo vbakari gwanu.

Genesi 34:22

Vathu vava, va gu dzumela basi gu patana ni ethu hi vbanya dangamwedo, hi khala libandla limwedo, ha gu dzumela gukhethu vama vatshavbo va vbanyago vbakari gwathu va hane navo wugwera kha nga avo va hanago.

Ekisodha 12:48

Aholu muluveli u vbanyago naye a gu dzina gu gira nayo nya Phasika ya Nungungulu, a na phele khu gu hana wugwera uye ni vama vatshavbo va ndrangani gwaye, khavbo a na dzi kodzago gu hidzimela a hodza Phasika; kholu a na wonwa kha nga givelegwa gya tigoni gwanu; aholu oyu a ngamba hana wugwera, gima kha dzumedziswi gu yi hodza.

Ekisodha 4:25

Khavbo avbo, Zipora, a di dzega giwindri nya guvbire, a gu pila sutu gyanana gyaye, a gu kuha khuwo mawundru ya Mosi, a ganela khuye: “Avbo gwangu, uwe u mwama nya novba.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Johane 7:22

Mosi a mi ningideni wugwera (khandri Mosi a nga wu phela, aholu khu vababe) enu mu ngu bedza wugwera khu Sabhadho.

Mithumo 7:8

Nungungulu a di hunga pwanano ni Abrahama a gu vega gifungo nya wugwera. Khavbo avbo, Abrahama a di velega Isaki a mu hanisa wugwera, khu litshigu a nga tshanganisago livbandre na mararu matshigu nya guvelegwe gwaye. Isaki nuye a di hanisa wugwera Jakobe, a nuye Jakobe a gu hanisa sanana saye nya likhumi na sivili, a gu avo likhumi na vavili va nyapandre vathu.”

Varoma 2:28

Kholu khandri Mujudha nya lisine wule a yeyedzago wujudha waye khu vbavbandze basi, kha nga gambe, wugwera nya lisine khandri wule wu wonegago givilini basi.

Varoma 3:25

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe.

Varoma 3:28

Khu guralo, hi ngu tivisa gukhethu muthu a gu sayedwa gululama khu gukhodwa, nasiri khu mithumo ya Nayo.

Varoma 3:30

kholu womo Nungungulu moyo basi, a nga tshanganisago naye va nya gu hana wugwera khu gukhodwa, a tshanganisa gambe va nya mayigo khu gukhodwa.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vagalatiya 6:12

Ava va vbwetago gu dzi khusedza khu tumbunugo nya wuthu, khavo va mi gurumedzago gu hana wugwera. Va gu gira isoso khu gu thava gu saniswa khu kotani nya gihambano gya Kristo.

Vaefeso 2:11

Enu mu si gu Vajudha nya mavelego; enu mu ranwago makhuna khu vale va dzi ranago va nya wugwera, va dzi zundza khu gifungo va vegidwego milini gwawe khu mandza nya vathu, dundrugani edzi mu nga bani mu vbanya khidzo gale.

Dhewuteronome 10:16

Khu guralo, vbindrugedzani myonyo yanu, mu si bangisi dzithamo dzanu.

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Josuwa 5:2

Khavbo avbo, Pfhumu Nungungulu a di embela Josuwa, khuye: “Lodza siwindri u gira migala, u bedza nyaluphye wugwera sanana sa na Israyeli.”

Josuwa 5:4

Josuwa a di va hanisa wugwera khu gighelo gegi: Kholu vama vatshavbo va nga dugago khu Egipito, vama va nga somago nyimbi, vatshavbo va di fude giwulani na va guta khu Egipito.