Genesi 16:10 - Bhibhiliya Nya Guage

¹⁰ Ngilozi yi di engedza gambe, khiyo: “Nyi na andrisa melego wago, situgulwana sago si na tala ngudzu nyambana muthu nya gu dzi kodze gu si saya.”

Genesi 16:10 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 16:9

Ngilozi ya Pfhumu Nungungulu yi di mu embela, khiyo: “Bwelela ga mune wago, u ya dzi thesa vbavbatshi mbeli gwaye.”

Genesi 17:20

Nyi pwide gambe nombelo u giridego khu Ismayeli: Nyi na mu kategisa nuye, nyi na mu ninga livelego nya likhongolo ngudzu, a na andra khu tshivba ngudzu. A na velega likhumi na mavili mafumbu. A na khala babe nya litigo nya likhongolo ngudzu.

Genesi 21:13

Aholu khavbo ga gyanana gya khumbi, nyi na wusa gambe litigo nya likhongolo, kholu khwa livelego lago.”

Genesi 21:16

uye aya khala phuvbo, pfhuka nya guningane uwo nya giholoma gya gu khwandrwa khu wulaho. A di gu ganela khu monyoni gwaye, khuye: “Kha nyi vbweti gu wona gyanana gyangu na gi gufa.” Na khade mbeli gwaye, gyanana gi di khusa lito gi lila.

Genesi 21:18

Khusa gyanana, gi wugarele gwadi, kholu khu igyo, nyi na wusa litigo nya likhongolo.”

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

Valamuli 6:16

Pfhumu Nungungulu a di mu hakha, khuye: “Eni nyi na bani nyiri nago, u na pala va na Medhiyani vatshavbo nga khwatshi wa gu pala muthu moyo basi.”